آج نظام شمسی کے 7 سیارے ایک قطار میں نظر آئیں گے

حیرت انگیز فلکیاتی منظر

آنے والے ہفتے میں آسمان پر ایسا شاندار فلکیاتی نظارہ دیکھنے کو ملے گا، جو اس کے بعد 2040 میں دوبارہ ممکن ہوگا۔
یہ نایاب موقع آسمان کے شوقین افراد کے لیے کسی تحفے سے کم نہیں ہوگا۔

28 فروری کا نادر موقع

28 فروری کو 7 سیارے ایک قطار میں نظر آئیں گے، جو نظام شمسی کے تمام سیارے (زمین کے علاوہ) شامل ہوں گے۔
یہ فلکیاتی ترتیب زمین جیسے سیاروں کو دیکھنے کا سنہری موقع فراہم کرے گی۔

کون کون سے سیارے شامل ہوں گے؟

اس قطار میں عطارد، زہرہ، مریخ، مشتری، زحل، یورینس اور نیپچون شامل ہوں گے۔
اس سے پہلے جنوری میں 6 سیاروں کی قطار نظر آئی تھی، مگر فروری کا اختتام اس سے بھی دلکش ہوگا۔

سیارے قطار میں کیسے آتے ہیں؟

چونکہ تمام سیارے سورج کے گرد اپنے مدار میں حرکت کرتے ہیں، اسی لیے بعض اوقات وہ آسمان پر ایک قطار میں آجاتے ہیں۔
یہ قطار فلکیاتی دنیا میں سیاروں کی پریڈ کہلاتی ہے۔

پاکستان میں کب اور کیسے نظر آئے گا؟

28 فروری کو سورج غروب ہونے کے 45 منٹ بعد آسمان پر نظر ڈالیں تو زہرہ، مریخ، مشتری اور یورینس نمایاں طور پر دکھائی دیں گے۔
عطارد، زحل اور نیپچون کو دیکھنے کے لیے دوربین یا ٹیلی اسکوپ کا سہارا لینا ہوگا۔

سیاروں کی پوزیشن کیا ہوگی؟

وینس مغرب میں افق پر چمکتا نظر آئے گا جبکہ مریخ جنوب میں اپنی جگہ بنائے گا۔
مشتری جنوب مغرب کی جانب ہوگا، جو سورج غروب ہونے کے بعد دیکھنا نسبتاً آسان ہوگا۔

یورینس اور زحل کی صورتحال

یورینس کی روشنی کافی مدھم ہوگی لیکن صاف اور تاریک آسمان پر مغرب اور جنوب مغرب میں دیکھا جا سکے گا۔
زحل اس بار سورج کے قریب ہونے کی وجہ سے نظر آنا مشکل ہوگا کیونکہ یہ تقریباً سورج کے ساتھ ہی غروب ہو جائے گا۔

نیپچون اور عطارد دیکھنے کا طریقہ

نیپچون اور عطارد بھی عام نظر سے دکھائی دینا ممکن نہیں ہوگا، ان دونوں کو دیکھنے کے لیے بھی دوربین یا ٹیلی اسکوپ ضروری ہوگی۔
اس خاص لمحے میں 7 سیارے ایک ساتھ دیکھنے کا مزہ لیا جا سکتا ہے۔

پاکستانی شہروں میں امکانات

پاکستان کے بیشتر شہروں میں یہ نایاب منظر دکھائی دے گا، تاہم موسم کی صورتحال اہم کردار ادا کرے گی۔
اگر مطلع صاف ہوا تو فلکیاتی شوقین افراد اس منظر کو باآسانی دیکھ سکیں گے۔

یہ بھی پڑھیں:مریخ کا سرخ رنگت کا راز فاش سائنسدانوں نے اصل وجہ دریافت کرلی