پاکستان میں معاشی ترقی اور سرمایہ کاری کے مواقع
معاشی میدان میں کامیابیاں
رواں مالی سال کے دوران خصوصی سرمایہ کاری سہولت کونسل (ایس آئی ایف سی) کی کوششوں نے معیشت میں نمایاں کامیابیاں حاصل کیں۔
“ون ونڈو پلیٹ فارم” کا کردار
ایس آئی ایف سی کے “ون ونڈو پلیٹ فارم” کے ذریعے غیر ملکی سرمایہ کاری میں خاطر خواہ اضافہ ہوا۔ آئی ٹی، زراعت، معدنیات اور توانائی کے شعبوں میں سرمایہ کاری کے مواقع بڑھانے کے لیے متعدد اقدامات کیے گئے۔
سعودی سرمایہ کاروں کے معاہدے
ایس آئی ایف سی کے تعاون سے سعودی سرمایہ کاروں کا وفد پاکستان آیا۔ اس دوران 2.8 ارب ڈالر کے معاہدے اور مفاہمت کی یادداشتوں پر دستخط کیے گئے۔
غیر ملکی سرمایہ کاری میں اضافہ
رواں مالی سال کے ابتدائی چار ماہ میں براہ راست غیر ملکی سرمایہ کاری میں 32.3 فیصد اضافہ ہوا۔ توانائی کے شعبے میں سرمایہ کاری 120 فیصد بڑھی جبکہ دیگر اہم شعبوں میں 41 فیصد ترقی دیکھی گئی۔
ترسیلات زر اور زرمبادلہ کے ذخائر
بیرون ملک مقیم پاکستانیوں کی جانب سے 31.65 ارب ڈالر کی ترسیلات زر ملک میں آئیں، جس سے زرمبادلہ کے ذخائر میں نمایاں اضافہ ہوا۔
پاکستان اسٹاک مارکیٹ کی کارکردگی
پاکستان اسٹاک مارکیٹ ملکی تاریخ کی بلند ترین سطح پر پہنچی، جبکہ مہنگائی کی شرح ساڑھے چھ سال کی کم ترین سطح پر ریکارڈ کی گئی۔
قومی خزانے میں بچت
حکومت اور آئی پی پیز کے درمیان اہم نقاط پر اتفاق ہوا، جس کے نتیجے میں قومی خزانے کو 300 ارب روپے کی بچت ممکن ہوئی۔
شرح سود میں کمی
ایس آئی ایف سی کی معاونت سے شرح سود 23 فیصد سے کم ہو کر 13 فیصد پر آگئی۔ اس سے زرعی سرمایہ کاری بڑھنے کی توقع ہے۔
پائیدار ترقی کا ہدف
ایس آئی ایف سی کی کاوشوں کا مقصد پاکستان میں پائیدار ترقی اور خوشحالی کو یقینی بنانا ہے۔
یہ بھی پڑھیں:پاکستان میں کاروبار کے لیے نئے مواقع اور چیلنجز