ذوالحج کے چاند سے متعلق پیشگوئی
ماہرین فلکیات نے پیشگوئی کی ہے کہ پاکستان میں ذوالحج کا چاند 28 مئی 2025 کو نظر آنے کا قوی امکان ہے۔ معروف ماہر فلکیات ڈاکٹر فہیم ہاشمی کے مطابق 27 مئی کو چاند صرف 11 گھنٹے پرانا ہوگا، اس لیے اس روز چاند نظر آنے کے امکانات نہایت کم ہیں۔
28 مئی کو چاند نظر آنے کے امکانات
ڈاکٹر فہیم ہاشمی نے بتایا کہ 28 مئی کو چاند کی عمر 35 گھنٹے سے زائد ہوگی، جو رویتِ ہلال کے لیے کافی ہے۔ اسی بنیاد پر امکان ظاہر کیا گیا ہے کہ 28 مئی کو ذوالحج کا چاند بآسانی نظر آسکتا ہے۔
عید الاضحیٰ کی ممکنہ تاریخ
اگر چاند 28 مئی کو نظر آتا ہے تو پاکستان میں عید الاضحیٰ 7 جون بروز ہفتہ کو منائی جائے گی۔ یہ پیشگوئی فلکیاتی حسابات کی بنیاد پر کی گئی ہے تاہم حتمی اعلان مرکزی رویت ہلال کمیٹی کرے گی۔
یہ بھی پڑھیں:یو اے ای میں عید الاضحٰی کیلئے پیشگوئی، پاکستان میں کب ہوگی؟