پالیسی میں فوری تبدیلی کا اعلان
ٹرمپ انتظامیہ نے امریکا میں مستقل رہائش (گرین کارڈ) حاصل کرنے کے خواہشمند غیر ملکیوں کے لیے پالیسی میں اہم تبدیلی کا اعلان کر دیا ہے۔ نئی پالیسی کے مطابق گرین کارڈ کی درخواست کے ساتھ طبی معائنہ (میڈیکل) کا فارم لازمی جمع کرانا ہوگا، چاہے درخواست گزار پہلے سے امریکا میں ہی کیوں نہ مقیم ہو۔
غیر ملکیوں کو دوبارہ میڈیکل ٹیسٹ کروانا ہوگا
اس پالیسی کا اطلاق امریکا میں مقیم تمام تارکین وطن پر ہوگا، جن میں پاکستانی نژاد افراد بھی شامل ہیں۔ انہیں دوبارہ مکمل میڈیکل چیک اپ کروانا پڑے گا تاکہ یہ ثابت کیا جا سکے کہ وہ کسی ایسی بیماری کا شکار نہیں جو امریکی عوام کے لیے خطرہ بن سکتی ہو۔
عوامی صحت کو وجہ قرار دیا گیا
امریکی امیگریشن سروس نے وضاحت کی ہے کہ یہ اقدام امریکی عوام کی صحت کے تحفظ کو یقینی بنانے کے لیے کیا گیا ہے۔ حکام کے مطابق مستقل رہائش کے خواہشمندوں کے میڈیکل ریکارڈز کی تازہ جانچ پڑتال ضروری ہے تاکہ مہلک یا متعدی بیماریوں کی روک تھام ممکن ہو۔
پاکستانی تارکین وطن متاثر
نئی پالیسی کا براہ راست اثر ان پاکستانیوں پر بھی پڑے گا جو گرین کارڈ کی درخواست دینے جا رہے ہیں یا پہلے ہی امریکا میں مقیم ہیں مگر ابھی ان کا کیس مکمل نہیں ہوا۔ ان افراد کو متعلقہ امیگریشن دفاتر سے رجوع کرنا ہوگا اور مقررہ وقت میں نیا میڈیکل ٹیسٹ مکمل کروانا ہوگا۔
یہ بھی پڑھیں:ایران کے پاس ایٹم بم نہیں ہوسکتا’ اسرائیلی حملے پر ٹرمپ کا بیان