ایران اور اسرائیل کے درمیان 12 روزہ جنگ کے دوران اسرائیلی افواج نے ایرانی ایٹمی سائنسدانوں کو خصوصی ہدف بنایا، جن میں سے 17 سائنسدان شہید ہوئے۔ ان میں معروف ایٹمی ماہر محمد رضا صدیقی بھی شامل ہیں جو جنگ کے آخری دن اسرائیلی حملے میں جاں بحق ہوئے۔
اسرائیل نے اس جنگ کا بنیادی مقصد ایران کے ایٹمی پروگرام کو تباہ کرنا قرار دیا تھا۔ اسی ہدف کے تحت امریکا نے بھی اسرائیل کا ساتھ دیا اور ایرانی جوہری تنصیبات پر بی ٹو بمبار طیاروں کے ذریعے بسٹر بم برسائے گئے۔ اس شدید بمباری کے نتیجے میں کئی اہم جوہری مراکز کو نقصان پہنچا اور ایٹمی سائنسدان ہلاک ہوئے۔
جنگ بندی کا آغاز ہو چکا ہے لیکن ایران کے لیے ایٹمی سائنسدانوں کا یہ نقصان ناقابل تلافی قرار دیا جا رہا ہے، جو اس کے جوہری پروگرام کے لیے ایک بڑا دھچکا ہے۔
یہ بھی پڑھیں:اسرائیل ایران جنگ کی تازہ ترین صورتحال جانیے