تقریبات کا آغاز اور مقام
دنیا کے امیر ترین افراد میں شمار ہونے والے ایمازون کے بانی جیف بیزوس اور ان کی منگیتر امریکی صحافی لورین سانچیز کی شادی کی تقریبات اٹلی کے مشہور شہر وینس میں شروع ہو چکی ہیں۔ 3 روزہ تقریب کو دنیا کی مہنگی ترین اور صدی کی سب سے بڑی شادی قرار دیا جا رہا ہے، جس میں شرکت کے لیے بین الاقوامی شہرت یافتہ شخصیات وینس پہنچ رہی ہیں۔
مہمانوں میں اہم نام شامل
رپورٹس کے مطابق شادی میں امریکہ کے سابق صدر ڈونلڈ ٹرمپ کی بیٹی ایوانکا ٹرمپ سمیت دنیا بھر سے وی آئی پی مہمانوں کی شرکت متوقع ہے۔ شادی کو مکمل طور پر نجی اور پرتعیش رکھا گیا ہے، جبکہ میڈیا کو رسائی محدود کر دی گئی ہے۔
شادی پر آنے والا خرچ
عالمی میڈیا رپورٹس کے مطابق جیف بیزوس اور لورین سانچیز کی شادی پر تقریباً 56 ملین ڈالر یعنی 15 ارب پاکستانی روپے سے زائد کا خرچہ کیا جا رہا ہے۔ یہ تقریب نہ صرف وینس بلکہ دنیا بھر کی مہنگی ترین شادیوں میں شمار کی جا رہی ہے۔
ماضی کے تعلقات اور منگنی
جیف بیزوس نے 2023 میں لورین سانچیز سے منگنی کی تھی۔ اس سے قبل 2019 میں بیزوس نے اپنی سابق اہلیہ میکنزی اسکاٹ سے 26 سالہ شادی کے بعد علیحدگی اختیار کی تھی، ان کے 4 بچے ہیں۔ لورین سانچیز کی بھی 4 سال قبل شوہر پیٹرک وائٹسیل سے طلاق ہوئی تھی، جن سے ان کے دو بچے ہیں۔
یہ بھی پڑھیں:سپریم کورٹ کا تاریخی فیصلہ: طلاق کے بعد بھی دلہن کا جہیز اور تحائف پر حق برقرار رہے گا