سویڈن کے دارالحکومت سٹاک ہوم میں ایک شخص، جس نے 2023 میں قرآن کو جلایا تھا، اپنے اپارٹمنٹ میں فائرنگ کے نتیجے میں ہلاک ہو گیا۔
مقامی رپورٹس کے مطابق، 38 سالہ سلوان مومیکا کو بدھ کی شام نشانہ بنایا گیا۔ وہ اس وقت سوشل میڈیا پر براہ راست ویڈیو نشر کر رہا تھا جب نامعلوم حملہ آور نے ان پر گولیاں چلا دیں۔
سلوان نے 2023 میں سٹاک ہوم کی مرکزی مسجد کے سامنے قرآن کو نذرِ آتش کیا تھا، جس کے نتیجے میں شدید ردعمل دیکھنے میں آیا اور ملک بھر میں مظاہرے شروع ہو گئے تھے۔
سٹاک ہوم پولیس کے مطابق، واقعے کے بعد پانچ افراد کو حراست میں لیا گیا ہے، تاہم مقتول کی باضابطہ شناخت جاری نہیں کی گئی۔ پولیس نے بتایا کہ زخمی شخص کو اسپتال منتقل کیا گیا، جہاں وہ جمعرات کو دم توڑ گیا۔
یہ واقعہ سویڈن میں حالیہ دنوں میں پیش آنے والے پرتشدد واقعات کی ایک کڑی ہے، جس نے ملک میں سیکیورٹی خدشات کو مزید بڑھا دیا ہے۔
یہ بھی پڑھیں: ایرانی پاپ سنگر کو گستاخی کے الزام میں سزائے موت