رمضان محض روزے رکھنے کا نام نہیں بلکہ خود احتسابی اور تجدیدِ عقیدت کا مہینہ ہے:بلاول بھٹو زرداری
رمضان: عبادات اور روحانی تجدید کا مہینہ
پاکستان پیپلز پارٹی کے چیئرمین بلاول بھٹو زرداری نے کہا ہے کہ رمضان صرف روزے رکھنے کا نام نہیں بلکہ یہ مہینہ خود احتسابی، روحانی بلندی اور اپنے عقیدے کی تجدید کا موقع ہے۔ انہوں نے کہا کہ اس مقدس مہینے میں ضرورت مندوں کی مدد کرنا حقیقی جذبۂ رمضان کا حصہ ہے۔
دنیا بھر کے مسلمانوں کیلئے نیک تمنائیں
بلاول بھٹو زرداری نے رمضان المبارک کی آمد پر پاکستان اور دنیا بھر کے مسلمانوں کو دل کی گہرائیوں سے مبارکباد دی ہے۔ ان کا کہنا تھا کہ دعا ہے یہ مقدس مہینہ سب کے لیے امن، خوشحالی اور بے پناہ برکتیں لے کر آئے۔
ضرورت مندوں کی مدد اور مساوات کا پیغام
بلاول بھٹو زرداری نے عوام سے اپیل کی کہ رمضان کے حقیقی جذبے کو اپناتے ہوئے ضرورت مندوں کا سہارا بنیں۔ انہوں نے کہا کہ اس بابرکت مہینے میں دوسروں کے ساتھ مہربانی اور محبت سے پیش آئیں تاکہ معاشرے میں برابری اور بھائی چارے کا ماحول پروان چڑھ سکے۔
عوامی فلاح کیلئے جدوجہد کا عزم
چیئرمین پیپلز پارٹی نے اس موقع پر اس عزم کا اعادہ بھی کیا کہ پاکستان پیپلز پارٹی ہمیشہ عوامی فلاح و بہبود کیلئے اپنی جدوجہد جاری رکھے گی۔ انہوں نے کہا کہ پارٹی عوام کے مسائل کے حل اور خوشحالی کیلئے بھرپور کردار ادا کرتی رہے گی۔
یہ بھی پڑھیں:رمضان المبارک 2025: چاند کی رویت، تاریخیں اور ماہرین کی پیش گوئیاں