تاریخی فضائی معرکہ: 59 منٹ کی جنگ میں پاک فضائیہ کی عظیم کامیابی
7 مئی 2025 کو فضاؤں میں ایک ایسا ناقابلِ یقین لمحہ رقم ہوا جسے اب تک کی سب سے بڑی ڈاگ فائٹ قرار دیا جا رہا ہے۔ پاکستانی اور بھارتی فضائیہ کے درمیان ہونے والی یہ لڑائی 59 منٹ تک جاری رہی اور پاکستان نے اس میں شاندار کامیابی حاصل کی۔ ایوی ایشن ذرائع کے مطابق بھارتی فضائیہ نے اپنے جدید اسٹرائٹیجک اسکواڈرن، جن میں رافیل، SU-30 اور مگ سیریز کے طیارے شامل تھے، پاکستانی حدود کی طرف روانہ کیے۔ ان کا مقصد پاکستانی فضائی خودمختاری کو چیلنج کرنا تھا۔
پاکستانی شاہینوں کی جوابی کارروائی: مہارت، ایمان اور جذبے کا امتزاج
پاکستانی فضائیہ نے بروقت آپریشنل الرٹ جاری کیا۔ JF-17 تھنڈر بلاک 3، F-16 فالکن اور جدید گراؤنڈ بیسڈ ڈیفنس سسٹمز نے مشترکہ کمان کے تحت دشمن کے اسکواڈرن کو ریڈار لاک کر کے BVR (Beyond Visual Range) کلنگ زون میں لا پھنسایا۔ فضاؤں میں ایمان، جذبے اور جدید ٹیکنالوجی کی یہ آمیزش بھارتی رافیل طیاروں پر بھاری پڑی۔
رافیل کا زوال: پاک شاہینوں کی فضا شکن جھپٹ نے دشمن کو راکھ کر دیا
اربوں ڈالر کے رافیل طیارے پاکستانی شاہینوں کے آگے بے بس ہو گئے۔ تین رافیل طیارے تباہ کر دیے گئے، وہ بھی بغیر سرحد پار کیے۔ یہ لڑائی صرف چند لمحوں کی نہیں، بلکہ مکمل نیٹ ورک سینٹرک وارفیئر تھی، جس میں الیکٹرانک وار، جیمنگ، ریڈار نیوٹرلائزیشن اور جدید ترین حکمت عملی استعمال کی گئی۔ بھارت کی پوری فضائی کمان حیرت اور شرمندگی کی تصویر بنی رہی۔
نیا عالمی ریکارڈ: دنیا کی سب سے طویل فضائی جھڑپ
اس سے قبل سب سے بڑی فضائی ڈاگ فائٹ 1973 میں اسرائیل اور مصر کے درمیان 53 منٹ تک جاری رہی تھی۔ مگر پاک بھارت جھڑپ 59 منٹ تک جاری رہی، جسے اب دنیا کی سب سے بڑی conventional aerial dogfight مانا جا رہا ہے۔ پاکستان نے دشمن کے ڈرون، میزائل، اور فضائی حملوں کو مکمل طور پر ناکام بنایا اور دنیا کو جدید فضائی حکمت عملی کا عملی مظاہرہ پیش کیا۔
عالمی اعتراف: پاکستانی کارکردگی کو “Tactical Masterclass” قرار دیا گیا
چین، روس، ترکی اور مغربی ماہرین سمیت عالمی تھنک ٹینکس نے اس معرکے کو ’’The Tactical Masterclass of the East‘‘ کا نام دیا۔ نہ صرف دشمن کو روکا گیا بلکہ فضائی دفاعی جنگ میں ایک نیا معیار مقرر کیا گیا۔ بھارت کے پاس نہ فوٹیج بچی، نہ کوئی ونگ کمانڈر، صرف خاموشی باقی رہی—ایسی خاموشی جو شکست کے بعد جنم لیتی ہے۔
یہ بھی پڑھیں:پاکستان نے بھارتی طیارے گرائے جو ظاہر کرتا ہے پاکستان بھارت کو نقصان پہنچا سکتا ہے: امریکی اخبار