عیدالفطر پر تعلیمی اداروں میں طویل چھٹیوں کا اعلان
وفاقی اور پنجاب حکومت کا نوٹیفکیشن جاری
وفاقی وزارت تعلیم نے عیدالفطر اور موسم بہار کی تعطیلات کا اعلان کر دیا ہے۔ جاری کردہ نوٹیفکیشن کے مطابق سرکاری تعلیمی ادارے 31 مارچ سے 4 اپریل تک بند رہیں گے، جبکہ نیا تعلیمی سیشن 7 اپریل سے شروع ہوگا۔
پنجاب میں عید کی تعطیلات
پنجاب حکومت نے بھی عید کی تعطیلات کا نوٹیفکیشن جاری کر دیا ہے، جس کے مطابق تعلیمی ادارے 31 مارچ سے 2 اپریل تک تین دن کے لیے بند رہیں گے۔
عید کا ممکنہ دن اور چاند کی رویت
محکمہ موسمیات کے مطابق عیدالفطر 31 مارچ کو ہونے کا امکان ہے، کیونکہ 29 مارچ کو 3 بج کر 58 منٹ پر چاند پیدا ہوگا اور 30 مارچ کو رویت ہلال کمیٹی کا اجلاس منعقد ہوگا۔ چاند کی عمر 27 گھنٹے ہونے کے باعث اس کا نظر آنا ممکن ہوگا، تاہم اس کا حتمی اعلان مرکزی رویت ہلال کمیٹی کرے گی
یہ بھی پڑھیں:عیدالفطر 2025: وفاقی حکومت کا سرکاری تعطیلات کا اعلان