دھماکے کے بعد زخموں کی تاب نہ لاتے ہوئے انتقال
کوہاٹ سے تعلق رکھنے والے سابق سینیٹر عباس آفریدی گیس لیکج کے باعث ہونے والے دھماکے میں زخمی ہونے کے بعد زخموں کی تاب نہ لاتے ہوئے انتقال کرگئے۔ افسوسناک واقعہ اعظم باغ میں پیش آیا جہاں وہ گزشتہ روز دھماکے کا شکار ہوئے تھے۔
سی ایم ایچ کھاریاں میں زیر علاج رہے
حادثے کے فوراً بعد عباس آفریدی کو شدید جھلسنے کی حالت میں سی ایم ایچ کھاریاں کے برن سینٹر منتقل کیا گیا تھا۔ ڈاکٹروں کی بھرپور کوششوں کے باوجود وہ جانبر نہ ہو سکے اور آج انتقال کرگئے۔
نماز جنازہ کوہاٹ میں ادا کی جائے گی
خاندانی ذرائع کے مطابق عباس آفریدی کی نماز جنازہ آبائی علاقے بابری بانڈہ کوہاٹ میں ادا کی جائے گی، جس میں اہل علاقہ، سیاسی شخصیات اور عزیز و اقارب کی بڑی تعداد شرکت کرے گی۔
مزید تین افراد زخمی، علاج جاری
پولیس ذرائع کا کہنا ہے کہ اس گیس لیکج دھماکے میں مزید تین افراد زخمی ہوئے تھے جو اب بھی زیر علاج ہیں۔ دھماکے کی نوعیت اور دیگر تفصیلات کی تحقیقات جاری ہیں۔
یہ بھی پڑھیں:ایل پی جی کا گھریلو سلنڈر 54 روپے 60 پیسے سستا ہوگیا