600 مہمانوں کا کھانا بناؤ، لالچی دلہے کا شادی کیلئے سخت مطالبہ
جھوٹی کہانی: کھانے کی کمی کو بنایا بہانہ
بھارت کے ایک قصبے میں پیش آنے والا ایک عجیب واقعہ سوشل میڈیا پر خبروں کی زینت بن گیا جہاں ایک دلہے نے صرف اس لیے شادی سے انکار کر دیا کہ دلہن والوں نے 600 مہمانوں کے کھانے کا بندوبست کرنے سے معذرت کی تھی۔ دلہے والوں نے دعویٰ کیا کہ کھانے کی عدم فراہمی انکار کی وجہ بنی، تاہم دلہن کے اہل خانہ نے اس دعوے کو مسترد کرتے ہوئے اصل حقیقت بیان کی۔
حقیقت سے پردہ: غیر اعلانیہ جہیز کا مطالبہ اصل وجہ نکلا
دلہن کے بھائی نے سوشل میڈیا پر تفصیل بتاتے ہوئے کہا کہ دلہے والوں کی جانب سے شادی کی منسوخی کی اصل وجہ غیر اعلانیہ جہیز کا مطالبہ تھا، نہ کہ کھانے کی کمی۔ ان کے مطابق 600 مہمانوں کے کھانے پر 10 سے 15 لاکھ روپے خرچ آتا، جو اُن کے محدود وسائل میں ممکن نہ تھا۔ لہٰذا مالی مجبوری کے باعث کھانے سے معذرت کی گئی۔
متوسط طبقے کی فریاد: ہم یہ بوجھ نہیں اٹھا سکتے تھے
انہوں نے اپنی پوسٹ میں مزید لکھا کہ “ہم ایک متوسط طبقے سے ہیں، اتنی بڑی رقم برداشت نہیں کر سکتے، جب ہم نے دلہے والوں کو یہ بتایا تو انہوں نے رشتہ ہی ختم کر دیا۔”
سوشل میڈیا پر عوام کا شدید ردعمل
یہ پوسٹ سوشل میڈیا پر وائرل ہو گئی، اور صارفین کی بڑی تعداد نے دلہن کے خاندان سے ہمدردی کا اظہار کیا۔ ایک صارف نے کمنٹ کیا، “اللہ کا شکر ادا کریں، آپ ایسے لالچی لوگوں کے چنگل سے بچ گئے، ورنہ آگے جا کر اور نہ جانے کیا کیا مطالبات کرتے۔”
جہیز کا ناسور: ایک معاشرتی المیہ
اس واقعے نے ایک بار پھر بھارتی معاشرے میں جہیز کے مسئلے اور لالچ کی جڑوں کو بے نقاب کر دیا ہے۔ جہاں ایک طرف لوگ ترقی کی بات کرتے ہیں، وہیں دوسری طرف ایسی سوچ اب بھی مضبوطی سے جمی ہوئی ہے۔
یہ بھی پڑھیں:بیٹی کی شادی کے دن ماں داماد کے ساتھ فرار