ایچ بی ایل پی ایس ایل 10 کی ٹرافی کی شاندار رونمائی، منفرد انداز میں پیشکش

بحیرہ عرب سے ٹرافی کی بازیابی

ایچ بی ایل پی ایس ایل سیزن 10 کی ٹرافی کی رونمائی ایک منفرد انداز میں کی گئی۔ پاک بحریہ کے تعاون سے ایک غوطہ خور نے بحیرہ عرب کی گہرائیوں سے ٹرافی نکال کر پی ایس ایل فرنچائزز کے نمائندوں کے حوالے کی۔ اس تاریخی اور منفرد پیشکش نے شائقین کو حیران کر دیا۔

’The Luminara Trophy‘ کی تفصیلات

پاکستان کرکٹ بورڈ (پی سی بی) کے مطابق اس ٹرافی کو ’The Luminara Trophy‘ کا نام دیا گیا ہے۔ اسے چاندی سے تیار کیا گیا ہے اور اس میں 22 ہزار سے زائد چمکدار زرکون کے پتھر جڑے گئے ہیں، جو لیگ کی شان اور اس کے شاندار مستقبل کی نمائندگی کرتے ہیں۔

پی سی بی اور پی ایس ایل حکام کا بیان

پی سی بی چیئرمین محسن نقوی کا کہنا تھا کہ یہ ٹرافی لیگ کی چمکتی ہوئی میراث اور اس کے روشن مستقبل کی علامت ہے۔ پی ایس ایل کے چیف ایگزیکٹیو آفیسر سلمان نصیر نے کہا کہ ایچ بی ایل پی ایس ایل ہمیشہ سے ہی ٹیلنٹ، لچک اور اسپورٹسمین شپ کا مرکز رہی ہے اور اس کی مقبولیت میں مسلسل اضافہ ہو رہا ہے۔

ایچ بی ایل پی ایس ایل 10 کا آغاز اور شیڈول

ایچ بی ایل پی ایس ایل 10 کا آغاز 11 اپریل 2025 سے ہوگا۔ ایونٹ کا نمائشی میچ 8 اپریل کو پشاور میں کھیلا جائے گا، جبکہ افتتاحی میچ راولپنڈی کرکٹ اسٹیڈیم میں ہوگا جہاں دفاعی چیمپئن اسلام آباد یونائیٹڈ اور لاہور قلندرز مدمقابل ہوں گی۔

ٹورنامنٹ فارمیٹ اور فائنل

اس 6 ٹیموں پر مشتمل ٹورنامنٹ میں 34 میچز کھیلے جائیں گے جو 11 اپریل سے 18 مئی تک جاری رہے گا۔ لاہور کے قذافی اسٹیڈیم میں 13 میچز ہوں گے، جن میں دو ایلیمنیٹرز اور فائنل بھی شامل ہے۔ایچ بی ایل پی ایس ایل 10 کا فائنل 18 مئی کو قذافی اسٹیڈیم لاہور میں ہوگا-

یہ بھی پڑھیں:چیمپئنز ٹرافی 2025: ٹیموں کے سفر کی مکمل تفصیلات