فرانسیسی صدر نے ٹرمپ کے غزہ کے متعلق منصوبوں کو مسترد کردیا
فرانسیسی صدر میکرون کا ٹرمپ کے غزہ سے متعلق منصوبے پر ردعمل
فرانسیسی صدر امانیول میکرون نے امریکی صدر ڈونلڈ ٹرمپ کے غزہ سے متعلق منصوبے کو سختی سے مسترد کر دیا ہے۔ انہوں نے کہا کہ کسی بھی صورت 20 لاکھ افراد کو یہ نہیں کہا جا سکتا کہ وہ کہیں اور چلے جائیں۔
فلسطینیوں کے احترام پر زور
میکرون نے زور دیا کہ فلسطینیوں اور ان کے عرب ہمسایوں کے وقار اور حقوق کا احترام کیا جانا چاہیے۔ ان کا کہنا تھا کہ یہ کوئی ریئل اسٹیٹ منصوبہ نہیں بلکہ ایک پیچیدہ سیاسی مسئلہ ہے جسے سمجھ داری سے حل کیا جانا چاہیے۔
اسرائیل کی جنگ پر تنقید
فرانسیسی صدر نے غزہ میں جاری اسرائیلی حملوں پر بھی سخت نکتہ چینی کی۔ انہوں نے کہا کہ وہ ہمیشہ اسرائیلی وزیر اعظم بنیامین نیتن یاہو کے ساتھ اپنے اختلاف کا اظہار کرتے رہے ہیں۔
سویلینز کو نشانہ بنانے پر اعتراض
میکرون نے جنگ کے دوران شہریوں کو نشانہ بنانے پر شدید تحفظات کا اظہار کیا۔ انہوں نے کہا کہ اتنے بڑے پیمانے پر کیا جانے والا عسکری آپریشن کسی بھی لحاظ سے درست قرار نہیں دیا جا سکتا۔
یہ بھی پڑھیں:ایران اور روس کا اسٹریٹجک معاہدہ: دفاعی اور توانائی تعاون