اسلام آباد یونائیٹڈ کے اہم کھلاڑی کی غیر موجودگی پر سوالات
پاکستان کرکٹ ٹیم کے آل راؤنڈر اور موجودہ ٹی 20 کپتان سلمان علی آغا پاکستان سپر لیگ (پی ایس ایل) سیزن 10 میں اسلام آباد یونائیٹڈ کی نمائندگی کر رہے ہیں۔ انہوں نے ابتدائی میچوں میں شرکت کی، مگر اس کے بعد ٹیم کے دو اہم میچز میں غیر حاضر رہے جس پر شائقین کرکٹ کی جانب سے سوالات اٹھنے لگے۔
کون سے میچز مس کیے اور کیوں؟
سلمان علی آغا نے پی ایس ایل کے افتتاحی میچ میں اسلام آباد کی جانب سے لاہور قلندرز کے خلاف میدان میں اترے اور پشاور زلمی کے خلاف بھی ایکشن میں نظر آئے۔ تاہم، وہ اگلے دو میچز یعنی ملتان سلطانز اور کراچی کنگز کے خلاف اسکواڈ کا حصہ نہیں بنے۔
غیر حاضری کی وجہ کیا تھی؟
میڈیا رپورٹس کے مطابق، سلمان علی آغا نے دو میچز میں شرکت نہ کرنے کی وجہ پاؤں کے پٹھوں میں کھنچاؤ (muscle strain) بتائی، جس کے باعث انہوں نے مکمل آرام کو ترجیح دی تاکہ انجری مزید نہ بڑھے اور وہ آئندہ میچوں کے لیے مکمل فٹ رہیں۔
سلمان علی آغا کا کیریئر پروفائل
سلمان علی آغا نے پاکستان کے لیے اب تک 21 ٹیسٹ، 38 ون ڈے اور 11 ٹی 20 انٹرنیشنل میچز کھیل رکھے ہیں۔ اس کے علاوہ وہ 9 ٹی 20 میچز میں قومی ٹیم کی قیادت بھی کر چکے ہیں۔ ان کی آل راؤنڈ صلاحیتیں اسلام آباد یونائیٹڈ کے لیے ایک قیمتی اثاثہ تصور کی جاتی ہیں، اسی لیے ان کی عدم موجودگی ٹیم کی کارکردگی پر اثر انداز ہوئی۔
یہ بھی پڑھیں:حسن علی نے پی ایس ایل میں نئی تاریخ رقم کردی