شیفالی کی موت سے قبل لگایا گیا انجیکشن کیا تھا؟ تفصیلات منظرعام پر

شیفالی کی اچانک موت اور ابتدائی رپورٹس

بھارتی ماڈل اور اداکارہ “کانٹا لگا گرل” شیفالی جریوالا 27 جون کو ممبئی میں اچانک 42 سال کی عمر میں انتقال کر گئیں۔ انہیں ان کی رہائش گاہ سے اسپتال منتقل کیا گیا، جہاں ڈاکٹروں نے مردہ قرار دے دیا۔ اسپتال کے مطابق وہ لائے جانے سے پہلے ہی جاں بحق ہو چکی تھیں۔ ابتدائی رپورٹس میں دل کا دورہ موت کی ممکنہ وجہ قرار دیا گیا، تاہم حتمی تحقیقات جاری ہیں۔

شیفالی کی طبی حالت اور اینٹی ایجنگ علاج

شیفالی کے ذاتی معالج کے مطابق وہ دل کی کسی بیماری میں مبتلا نہیں تھیں اور نہ ہی ایسی کوئی دوا استعمال کر رہی تھیں۔ وہ گزشتہ 5 سے 6 سال سے اینٹی ایجنگ ٹریٹمنٹ کروا رہی تھیں تاکہ فٹ اور کم عمر نظر آئیں۔

موت سے قبل استعمال کیا گیا انجیکشن

پولیس کی ابتدائی رپورٹ کے مطابق شیفالی باقاعدگی سے خالی پیٹ “اینٹی ایجنگ انجیکشن” لیتی تھیں۔ انتقال سے چند گھنٹے قبل بھی انہوں نے ایسا ہی انجیکشن لگایا، جس کے بعد انہیں کپکپی ہوئی اور وہ بے ہوش ہو گئیں۔ بے ہوشی کے بعد انہیں فوری طور پر اسپتال لے جایا گیا، لیکن وہ جانبر نہ ہو سکیں۔

مزید تحقیقات جاری

پولیس نے شیفالی کے گھر سے تمام ادویات قبضے میں لے لی ہیں، اور ان کی موت کی اصل وجہ جاننے کیلئے مزید تحقیقات جاری ہیں۔

یہ بھی پڑھیں:معروف ڈرامہ نگار سائرہ رضا دل کا دورہ پڑنے سے انتقال کرگئیں