ایک بھارتی ایئرلائن(IndiGo) کی پرواز، جو نئی دہلی سے قطر کے شہر دوحہ جا رہی تھی، کو طبی ہنگامی صورتحال کے باعث کراچی ایئرپورٹ پر لینڈنگ کرنا پڑی۔ دورانِ پرواز، ایک 60 سالہ نائیجیریائی مسافر کی طبیعت خراب ہو گئی۔ طیارے کے کپتان نے فوری طور پر کراچی ایئرٹریفک کنٹرول سے رابطہ کر کے میڈیکل ایمرجنسی کے تحت لینڈنگ کی اجازت حاصل کی
ہنگامی لینڈنگ کے دوران سول ایوی ایشن اور وزارت صحت کے اہلکار پہلے سے تیار تھے، جنہوں نے مسافر کا معائنہ کیا، لیکن بدقسمتی سے لینڈنگ سے قبل ہی مسافر انتقال کر چکا تھا۔ موت کی تصدیق کے بعد مسافر کا ڈیتھ سرٹیفکیٹ جاری کیا گیا، اور بھارتی پرواز اپنی منزل کی طرف روانہ ہو گئی۔
کراچی ایئرپورٹ پر بھارتی پرواز کی ہنگامی لینڈنگ نے ایمرجنسی صورتحال کے دوران پاکستانی ایوی ایشن حکام کی پیشہ ورانہ مہارت کو نمایاں کیا، جو فوری اقدامات کی اہمیت کو ظاہر کرتا ہے۔