یونان میں کشتی حادثہ، پاکستانی شہریوں کی ہلاکت اور گمشدگی کی تحقیقات جاری
یونان کشتی حادثہ میں پاکستانی شہریوں کی ہلاکت کی تصدیق دفتر خارجہ نے کر دی ہے، جبکہ مزید ہلاکتوں اور گمشدگیوں کی معلومات اکھٹی کی جا رہی ہیں۔ دفتر خارجہ کے مطابق، یونان کے جزیرے کریٹ کے قریب اس افسوسناک واقعے میں 47 پاکستانی شہریوں کو زندہ بچا لیا گیا ہے۔
ترجمان دفتر خارجہ کا کہنا ہے کہ یونان کشتی حادثہ میں پاکستانی شہریوں کی ہلاکت اور لاپتہ افراد کے حوالے سے مزید تصدیق کے لیے کام جاری ہے۔ یونان میں پاکستانی سفارت خانہ مقامی حکام کے ساتھ مل کر متاثرین کو ہر ممکن مدد فراہم کر رہا ہے، اور سفارت خانے کے نمائندے کریٹ پہنچ کر بچ جانے والوں کی معاونت کر رہے ہیں۔
وزارت خارجہ نے یونان میں موجود پاکستانیوں کی سہولت کے لیے کرائسز مینجمنٹ یونٹ کو فعال کیا ہے۔
پاکستان کے وزیر داخلہ محسن نقوی نے یونان کشتی حادثہ میں پاکستانی شہریوں کی ہلاکت کے بعد انسانی سمگلنگ کے معاملے پر سخت افسوس کا اظہار کرتے ہوئے واقعے کی جامع تحقیقات کا حکم دیا ہے۔ اس مقصد کے لیے ایڈیشنل سیکرٹری داخلہ کی سربراہی میں ایک کمیٹی تشکیل دی گئی ہے جو پانچ دن میں رپورٹ پیش کرے گی۔
وزیر داخلہ نے انسانی سمگلنگ کے خلاف سخت اقدامات کا اعلان کرتے ہوئے ایف آئی اے کو ملک گیر کارروائیوں کی ہدایات جاری کی ہیں۔ یونانی حکام کے مطابق، جنوبی جزیرے گیوڈوس کے قریب لکڑی کی کشتی الٹنے سے کئی افراد ہلاک اور متعدد لاپتہ ہیں