پاکستان میں تیل و گیس کے شعبے میں ترقی ذخائر میں اضافہ اور حکومتی اصلاحات

ایس آئی ایف سی کے تحت شعبہ پٹرولیم میں ترقی کیلئے اہم پیشرفت

ایس آئی ایف سی کی سہولت کاری

ملکی معیشت کی ترقی کے لیے ایس آئی ایف سی کی سہولت کاری کا کردار اہم ہے۔ پاکستان سوورین ویلتھ فنڈ کے تحت اثاثہ جات کے انتظام اور اسٹریٹجک اقدامات کے لیے چار بڑی تیل و گیس کمپنیاں منتخب کی گئی ہیں۔

منتخب کمپنیاں

ان کمپنیوں میں او جی ڈی سی ایل، پاکستان پیٹرولیم لمیٹڈ، پاکستان اسٹیٹ آئل اور پاکستان ریفائنری لمیٹڈ شامل ہیں۔ ان کمپنیوں نے ملکی معیشت کی بہتری میں نمایاں کردار ادا کیا ہے۔

ذخائر میں اضافہ

ان کمپنیوں کی کوششوں کے نتیجے میں مالی سال 2024ء کے اختتام پر خام تیل کے ذخائر میں 26 فیصد جبکہ گیس کے ذخائر میں 2 فیصد اضافہ ریکارڈ کیا گیا ہے۔

ذخائر کا طویل مدتی استعمال

ایس آئی ایف سی کی معاونت سے ‘ایکسپلوریشن اور پروڈکشن’ کے ذریعے تیل کے ذخائر 10 سال اور گیس کے ذخائر 17 سال تک کے استعمال کے لیے دستیاب ہو چکے ہیں۔

نئی گیس کی دریافت

حال ہی میں ایس آئی ایف سی اور او جی ڈی سی ایل نے سندھ کے ضلع سانگھڑ میں گیس کے ذخائر دریافت کیے ہیں۔

دریافت کے شراکت دار

اس دریافت میں او جی ڈی سی ایل، اورینٹ پیٹرولیم اور گورنمنٹ ہولڈنگز پرائیویٹ لمیٹڈ شامل ہیں، جن میں 76 فیصد کے حصے کے ساتھ او جی ڈی سی ایل سب سے نمایاں ہے۔

حکومتی اصلاحات

اس مثبت پیش رفت کے ساتھ توقع کی جاتی ہے کہ ایس آئی ایف سی کی معاونت سے کی گئی حکومتی اصلاحات گیس کے شعبے میں ایکسپلوریشن اور پروڈکشن سیکٹر کو مزید پرکشش بنائیں گی۔

ہائیڈروکاربن کی تلاش

ایس آئی ایف سی کی معاونت سے تیار کردہ نئی حکومتی پالیسیوں کے ذریعے ہائیڈرو کاربن کی تلاش میں مزید تیزی آئے گی، جو اس شعبے کی ترقی کا پیش خیمہ ثابت ہوگی۔