ایس آئی ایف سی کے تحت غیر ملکی سرمایہ کاری کیلئے حکومتی اقدامات
غیر ملکی سرمایہ کاری میں نمایاں پیشرفت
اسپیشل انویسٹمنٹ فیسلٹی کونسل (SIFC) کی معاونت سے غیر ملکی سرمایہ کاری میں نمایاں اضافہ دیکھا گیا ہے۔ حکومتی پالیسیوں پر عمل درآمد کے نتیجے میں رواں مالی سال کے پہلے نصف میں غیر ملکی سرمایہ کاری میں 20 فیصد اضافہ ہوا، جس کی مجموعی مالیت 1.329 ارب ڈالر تک پہنچ گئی ہے۔
سرمایہ کاری میں بڑے ممالک کا کردار
سرمایہ کاری میں ہانگ کانگ، برطانیہ اور سوئٹزرلینڈ جیسے ممالک کا نمایاں حصہ رہا۔ خاص طور پر چین نے 40 فیصد سرمایہ کاری کے ساتھ سب سے بڑا حصہ ڈالا۔ عالمی اقتصادی فورم اور ڈیجیٹل کوآپریشن آرگنائزیشن کے اشتراک سے ایک مشترکہ منصوبے کا آغاز بھی اسی تناظر میں کیا گیا ہے۔
ڈیجیٹل غیر ملکی سرمایہ کاری کی اہمیت
وزیرِاعظم کی جانب سے ڈیجیٹل غیر ملکی براہِ راست سرمایہ کاری (Digital FDI) کے منصوبے کو ملک کی اقتصادی ترقی میں اہم پیشرفت قرار دیا گیا ہے۔ اس منصوبے کے تحت ای کامرس، سافٹ ویئر ڈویلپمنٹ، آئی ٹی انفراسٹرکچر اور آن لائن سروسز کے شعبے ترقی کریں گے۔
پاکستان کی ڈیجیٹل ایف ڈی آئی میں نمایاں کامیابی
عالمی اقتصادی فورم کے تحت پاکستان وہ پہلا ملک بن گیا ہے جس نے ڈیجیٹل غیر ملکی براہِ راست سرمایہ کاری کے منصوبے کو اپنایا ہے۔ اس پیشرفت سے جدید ٹیکنالوجی میں ترقی، عالمی مہارتوں کا حصول، جدت اور معیشتی استحکام ممکن ہوگا۔
پاکستان میں ڈیجیٹل معیشت کا فروغ
ایس آئی ایف سی کی معاونت سے پاکستان میں ڈیجیٹل معیشت کے فروغ کے امکانات بڑھ گئے ہیں۔ سرحد پار ڈیجیٹل سرمایہ کاری کو فروغ دینے سے ملکی معیشت کو مستحکم کرنے اور مزید سرمایہ کاری کے مواقع پیدا کرنے میں مدد ملے گی۔
یہ بھی پڑھیں:پاکستان کی برآمدات 13.6 ارب ڈالر تک پہنچ گئیں