وفاقی حکومت کا پیٹرولیم مصنوعات کی قیمتوں میں کمی کا اعلان
اسلام آباد: وفاقی حکومت نے عوام کو ریلیف فراہم کرنے کے لیے پیٹرولیم مصنوعات کی قیمتوں میں کمی کا اعلان کر دیا ہے۔ وزارت خزانہ کی جانب سے جاری کردہ نوٹیفکیشن کے مطابق نئی قیمتوں کا اطلاق آج رات 12 بجے سے ہوگا۔
نئی قیمتیں درج ذیل ہیں:
🔹 پیٹرول: فی لیٹر قیمت میں 1 روپے کمی کے بعد 256.13 روپے مقرر
🔹 ہائی اسپیڈ ڈیزل: 4 روپے کمی کے بعد نئی قیمت 263.95 روپے فی لیٹر
🔹 مٹی کا تیل: 3.20 روپے کمی کے بعد 171.65 روپے فی لیٹر دستیاب ہوگا
🔹 لائٹ ڈیزل: فی لیٹر قیمت میں 5.25 روپے کمی کے بعد 155.81 روپے مقرر
وزارت خزانہ کے مطابق وزیراعظم کی منظوری کے بعد پیٹرولیم مصنوعات کی قیمتوں میں رد و بدل کا نوٹیفکیشن جاری کر دیا گیا ہے، جس کے مطابق یہ نئی قیمتیں آج رات 12 بجے سے نافذ العمل ہوں گی۔
حکومت کی جانب سے کیے گئے اس فیصلے کا مقصد عوام کو مہنگائی سے کچھ ریلیف فراہم کرنا ہے۔ ماہرین کا کہنا ہے کہ عالمی منڈی میں تیل کی قیمتوں میں اتار چڑھاؤ کے اثرات پاکستان میں بھی نظر آتے ہیں، اور آئندہ دنوں میں مزید کمی کا امکان بھی موجود ہے۔