جمعرات, 19 نومبر 2026
جمعرات, 19 نومبر 2026|
تازہ ترین
ٹیکنالوجی

مائیکرو سافٹ کی میجورانا 1 چپ کوانٹم کمپیوٹنگ میں انقلاب

News Cuff

مائیکروسافٹ کا دنیا کی پہلی کوانٹم چپ تیارکرنے کا دعوی

جدید کوانٹم کمپیوٹنگ کے لیے سنگ میل

مائیکرو سافٹ نے ایک نئی چپ میجورانا 1 متعارف کرائی ہے، جسے کوانٹم کمپیوٹنگ میں ایک بڑی پیش رفت قرار دیا جا رہا ہے۔ کمپنی کئی برسوں سے اس چپ کی تیاری کے لیے تحقیق کر رہی تھی۔

ٹوپولوجیکل کور آرکیٹیکچر

یہ دنیا کی پہلی کوانٹم چپ ہے جو ٹوپولوجیکل کور آرکیٹیکچر سے لیس ہے۔ مائیکرو سافٹ کے مطابق، یہ نئی ٹیکنالوجی کوانٹم کمپیوٹنگ کے شعبے میں زبردست تبدیلی لا سکتی ہے۔

منفرد میٹریل پر مبنی چپ

کمپنی کے مطابق، میجورانا چپ کی تیاری میں استعمال ہونے والا میٹریل عام ٹھوس، سیال یا گیس پر مبنی نہیں بلکہ ایک بالکل نئی قسم کا مادہ ہے، جو انتہائی کم درجہ حرارت پر کام کرتا ہے۔

میجورانا پارٹیکل کی دریافت

تحقیق کے دوران ماہرین نے ایک نیا ذرہ دریافت کیا، جسے میجورانا پارٹیکل کا نام دیا گیا ہے۔ اس پارٹیکل کی مدد سے ایسی ڈیوائسز بنائی جا سکتی ہیں جو زیادہ مؤثر اور طاقتور ہوں گی۔

چھوٹی مگر طاقتور چپ

مائیکرو سافٹ کے کوانٹم کمپیوٹنگ شعبے کے نائب صدر زلفی عالم کے مطابق، یہ چپ ہتھیلی سے بھی چھوٹی ہے، مگر اس میں لاکھوں کروڑوں qubits موجود ہیں، جو پراسیسنگ کی طاقت کو کئی گنا بڑھا دیتے ہیں۔

خودمختار یونٹ کے طور پر کام کرنے کی صلاحیت

یہ چپ ایسی ڈیوائسز بنانے میں مدد دے گی جو بیرونی نیٹ ورک کے بغیر بھی کام کر سکیں گی۔ زلفی عالم کا کہنا ہے کہ یہ ٹیکنالوجی ایسے طاقتور کمپیوٹرز بنانے کی راہ ہموار کرے گی جو دنیا کو آپ کی ہتھیلی میں سمونے کے مترادف ہوں گے۔

یہ بھی پڑھیں:پی ٹی اے کا فراڈ کے خلاف بڑا اقدام ہزاروں نمبرز بلاک کر دیے

قرآن مجید اردو ترجمے کے ساتھ پڑھیںنماز کے اوقات • رمضان کیلنڈر • قرآنی دعائیں

متعلقہ خبریں

تبصرہ کریں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے