ویٹی کن سٹی میں پوپ فرانسس کی آخری رسومات ادا
کیتھولک مسیحیوں کے روحانی پیشوا پوپ فرانسس کی تدفین ویٹی کن کے سینٹ میری میجر بیسلیکا میں مذہبی عقیدت کے ساتھ کر دی گئی۔ پوپ فرانسس کو عقیدت مندوں، مذہبی شخصیات اور عالمی قائدین نے آخری الوداعی خراج پیش کیا۔
عالمی رہنماؤں کی موجودگی نے تقریب کو تاریخی بنا دیا
پوپ فرانسس کی آخری رسومات میں دنیا بھر سے اہم شخصیات نے شرکت کی۔ امریکی صدر ڈونلڈ ٹرمپ، برطانوی وزیر اعظم کیئر سٹارمر، فرانسیسی صدر ایمانویل میکرون اور یوکرین کے صدر ویلادیمیر زیلنسکی سمیت متعدد عالمی رہنما اس موقع پر موجود تھے۔ ان تمام شخصیات نے پوپ فرانسس کی امن، محبت اور انسانیت کے لیے خدمات کو سراہا۔
پوپ فرانسس کا انتقال: عالمی سطح پر غم کی لہر
واضح رہے کہ 88 سالہ پوپ فرانسس 21 اپریل کو اسٹروک اور دل کا دورہ پڑنے کے باعث انتقال کر گئے تھے۔ ان کی وفات نے دنیا بھر میں ان کے چاہنے والوں کو سوگوار کر دیا۔ پوپ فرانسس کو ان کی انسان دوست پالیسیوں، مذہبی ہم آہنگی کے فروغ اور عالمی امن کے لیے کی گئی کوششوں کے حوالے سے ہمیشہ یاد رکھا جائے گا۔
یہ بھی پڑھیں:کیتھولک مسیحیوں کے روحانی پیشوا پوپ فرانسس انتقال کرگئے