بدھ, 18 نومبر 2026
بدھ, 18 نومبر 2026|
تازہ ترین
سیاست

مودی کی سیاسی پوزیشن پاکستان کے فوجی ردعمل سے کمزور پڑ گئی: امریکی میڈیا

News Cuff

جوابی کارروائی کے اثرات

امریکی اخبار نیویارک ٹائمز نے اپنی تازہ رپورٹ میں انکشاف کیا ہے کہ پاکستان کی فوجی حکمت عملی اور مؤثر ایکشن کے بعد بھارتی وزیر اعظم نریندر مودی کا سیاسی مستقبل شدید خطرات سے دوچار ہو چکا ہے۔ رپورٹ میں کہا گیا ہے کہ پاکستانی جوابی کارروائیوں سے مودی حکومت نہ صرف اپنے عسکری مقاصد حاصل کرنے میں ناکام رہی بلکہ اسے امریکی دباؤ کے تحت جنگ بندی تسلیم کرنا پڑی۔

بھارت کی شرائط سے انحراف

رپورٹ کے مطابق بھارت نے سیز فائر معاہدے کے فوری بعد ہی شرائط سے انحراف کی راہ اختیار کرنا شروع کر دی۔ تیسرے غیر جانب دار ملک میں مذاکرات کی شرط تسلیم کرنے کے بعد بھارت نے چند گھنٹوں میں اس سے انکار کر دیا، جو اس کے غیرسنجیدہ رویے کو ظاہر کرتا ہے۔

امریکی اور عرب ممالک کی ثالثی

جنگ بندی کے لیے امریکی صدر ڈونلڈ ٹرمپ، وزیر خارجہ مائیک روبیو، سعودی عرب، قطر اور متحدہ عرب امارات کی سفارتی کوششیں شامل تھیں۔ تاہم، ان کوششوں کے باوجود بھارت نے لائن آف کنٹرول پر شدید گولہ باری کرکے سیز فائر معاہدے کی کھلی خلاف ورزی کی۔

بھارتی حکام کا متضاد مؤقف

بھارتی سیکریٹری خارجہ وکرم مصری نے پاک بھارت ڈی جی ایم اوز کے رابطے کو جنگ بندی کی بنیاد قرار دیتے ہوئے کہا کہ پیر کو اس پر دوبارہ بات چیت ہوگی اور اسے صرف عارضی انتظام سمجھا جائے۔ نیویارک ٹائمز کے مطابق جنگ بندی تسلیم کرنے کے بعد بھی بھارت کا بھاری اسلحے سے حملے جاری رکھنا معاہدے کی عملی خلاف ورزی ہے۔

امریکا کی لاتعلقی سے مداخلت تک

رپورٹ میں کہا گیا ہے کہ ابتدا میں امریکا نے پاک بھارت تنازع میں لاتعلقی کا اعلان کیا تھا لیکن پاکستانی فوج کی حکمت عملی، تحمل اور فیصلہ کن حملوں نے صورت حال کو بدل دیا۔ ان کارروائیوں نے بھارت کی جانب سے چھیڑی گئی جنگ کو اخلاقی، عملی، سیاسی اور سفارتی شکست میں تبدیل کر دیا۔

یہ بھی پڑھیں:مودی کو لینے کے دینے پڑ گئے

قرآن مجید اردو ترجمے کے ساتھ پڑھیںنماز کے اوقات • رمضان کیلنڈر • قرآنی دعائیں

متعلقہ خبریں

تبصرہ کریں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے