چین کا واضح مؤقف
حالیہ پاک بھارت کشیدگی کے بعد چین نے پاکستان کو اپنا “آہنی دوست” قرار دیتے ہوئے دوٹوک مؤقف اختیار کیا ہے کہ وہ پاکستان کی خودمختاری اور سرحدوں کی حفاظت کے لیے ہر ممکن تعاون کرے گا۔ چینی ماہر خارجہ پالیسی وکٹر گاؤ کے مطابق چین کی طرف سے یہ پیغام نہ صرف علاقائی توازن کو قائم رکھنے کا ضامن ہے بلکہ عالمی سطح پر امن و استحکام کی کوششوں کا حصہ بھی ہے۔
فوجی تعاون اور دفاعی ٹیکنالوجی میں اشتراک
چینی دفاعی ٹیکنالوجی اور پاکستان کے ساتھ فوجی شراکت داری نے حالیہ جھڑپ میں عالمی طاقتوں کو حیران کر دیا۔ پاکستانی فضائیہ کی جانب سے استعمال ہونے والا زیادہ تر اسلحہ یا تو چین کا تیار کردہ تھا یا پاک چین اشتراک سے بنایا گیا تھا۔ جے 10 سی طیاروں کی کارکردگی نے یورپ اور روس کے طیاروں کو پیچھے چھوڑ دیا، جسے ایک تکنیکی اور اسٹریٹجک برتری کے طور پر سراہا گیا۔
عالمی طاقتوں کے لیے انتباہ
وکٹر گاؤ نے کہا کہ یہ صورتحال عالمی طاقتوں کے لیے ایک ’ویک اپ کال‘ ہے۔ چین کی عسکری طاقتیں اب دنیا کی صف اول میں آ چکی ہیں اور اگر کوئی ملک پاکستان کی خودمختاری کے خلاف اقدام کرے گا تو چین خاموش نہیں بیٹھے گا۔ چین اور پاکستان کا اتحاد اب صرف سفارتی یا نظریاتی نہیں بلکہ عملی اور مضبوط ہو چکا ہے۔
انتباہ اور عزم
چین کا پیغام واضح ہے: “چین سے پنگا نہ لیا جائے۔” چین نے باور کرایا ہے کہ وہ پاکستان کے دفاع میں کھڑا ہے اور کسی ملک کو پاکستان کی سرحدوں یا خود مختاری کو پامال کرنے کی اجازت نہیں دے گا۔
یہ بھی پڑھیں:چین کا بھارتی جارحیت پر شدید ردعمل، امن اور تحمل پر زور