ترکی کا دوبارہ شمولیت کا عندیہ
ترک صدر رجب طیب ایردوان نے امریکی ایف-35 لڑاکا طیاروں کے پروگرام میں دوبارہ شمولیت کی خواہش ظاہر کر دی ہے۔ نیٹو سربراہی اجلاس سے واپسی پر صحافیوں سے گفتگو کرتے ہوئے ایردوان نے کہا کہ اس معاملے پر امریکی سابق صدر ڈونلڈ ٹرمپ سے بات ہوئی ہے اور اب اس پر تکنیکی سطح پر مذاکرات کا آغاز ہو چکا ہے۔
ترک مؤقف اور ماضی کا پس منظر
ترک صدارتی دفتر کے مطابق ایردوان نے واضح کیا کہ ترکی نے کبھی بھی ایف-35 پروگرام سے دستبرداری اختیار نہیں کی تھی اور اب وہ دوبارہ امریکی حکام کے ساتھ اس پروگرام میں شمولیت پر بات چیت کر رہے ہیں۔
یاد رہے کہ 2020 میں امریکا نے ترکی پر روس سے ایس-400 دفاعی نظام خریدنے کے باعث پابندیاں عائد کی تھیں، جس کے نتیجے میں ترکی کو ایف-35 پروگرام سے نکال دیا گیا تھا۔ حالانکہ ترکی اس پروگرام کا صرف خریدار نہیں بلکہ ایک صنعتی شراکت دار بھی تھا۔
مالی اور سیاسی مطالبات
ترکی نے کئی مواقع پر امریکا کے اس فیصلے کو ’ناانصافی‘ قرار دیتے ہوئے یا تو پروگرام میں دوبارہ شمولیت یا مالی ازالے کا مطالبہ کیا ہے۔ ایف-35 پروگرام میں واپسی کی خواہش اس بات کا اظہار ہے کہ ترکی اور امریکا کے درمیان دفاعی تعلقات بحال ہونے کی جانب بڑھ سکتے ہیں۔
یہ بھی پڑھیں:بھارتی طیاروں کیلئے پاکستانی فضائی حدود مزید ایک ماہ کیلئے بند رکھنے کا فیصلہ