روزانہ مچھلی کے تیل کے کیپسول کھانے سے صحت پر مثبت اثرات مرتب ہو سکتے ہیں

مچھلی کے تیل میں موجود اومیگا تھری فیٹی ایسڈز، وٹامن اے اور ڈی انسانی صحت کے لیے نہایت اہم قرار دیے جاتے ہیں۔ اگرچہ مچھلی کا استعمال نہ کرنے والوں کے لیے کیپسول ایک متبادل ذریعہ بن سکتا ہے، لیکن ان کے فوائد سائنسی تحقیق سے بھی ثابت ہوئے ہیں۔

1. مردانہ تولیدی صحت میں بہتری

مچھلی کے تیل کے کیپسول بانجھ پن کے خطرے کو کم کرنے میں مددگار ثابت ہو سکتے ہیں۔ اومیگا تھری فیٹی ایسڈز جسم میں سوزش اور تکسیدی تناؤ کو کم کرتے ہیں، جو تولیدی مسائل کی بنیادی وجوہات ہیں۔

2. دل کی صحت کے لیے مفید

اومیگا 3 فیٹی ایسڈز دل کو مختلف امراض سے بچانے میں مدد دیتے ہیں، جیسا کہ ہائی بلڈ پریشر، دل کی کمزوری، فالج اور خون میں چکنائی کا جمع ہونا۔ امریکن ہارٹ ایسوسی ایشن کے مطابق ان کا استعمال امراض قلب کا خطرہ کم کرتا ہے۔

3. جِلد کی صحت بہتر بناتا ہے

یہ سپلیمنٹ سورج کی شعاعوں سے جلد کو پہنچنے والے نقصان، خشکی اور خارش سے بچاؤ میں مؤثر ثابت ہوتا ہے۔ جِلد نرم، صاف اور صحتمند رہتی ہے۔

4. بینائی کو تقویت

اومیگا تھری کی کمی آنکھوں کے مختلف امراض کو جنم دے سکتی ہے۔ مچھلی کھانے یا اس کے تیل کے سپلیمنٹس کا استعمال بینائی کی تنزلی کا خطرہ کم کر سکتا ہے، تاہم اس پر مزید تحقیق کی ضرورت ہے۔

5. یادداشت اور دماغی صحت پر مثبت اثرات

اومیگا تھری فیٹی ایسڈز دماغی افعال میں اہم کردار ادا کرتے ہیں۔ الزائمر اور ذہنی کمزوری جیسے مسائل سے بچاؤ میں یہ مدد دے سکتے ہیں۔ کچھ تحقیقات میں ڈپریشن کے خطرے میں بھی 17 فیصد کمی دیکھی گئی ہے۔

6. ہڈیوں کو مضبوط بنانے میں مددگار

اگرچہ وٹامن ڈی اور کیلشیئم ہڈیوں کے لیے اہم ہیں، تاہم چند تحقیقاتی رپورٹس میں اومیگا تھری کا استعمال ہڈیوں کی کثافت بڑھانے میں مؤثر پایا گیا ہے۔

احتیاط:

اگرچہ یہ تمام فوائد سائنسی رپورٹس سے ثابت ہوئے ہیں، لیکن کسی بھی غذائی سپلیمنٹ کا باقاعدہ استعمال کرنے سے پہلے معالج سے مشورہ ضرور لینا چاہیے۔

یہ بھی پڑھیں:صحت مند افراد کے لیے روزانہ کتنے آم کھانا بہتر ہوتا ہے؟