پاکستان کے سرپرائز کا بھارت مقابلہ نہیں کرسکتا
ائیر مارشل ریٹائرڈ ارشد ملک نے ایک پوڈکاسٹ میں گفتگو کرتے ہوئے کہا کہ پاکستان کے پاس بھارت کے لیے اب بھی کئی “سرپرائزز” موجود ہیں، اور اگر بھارت نے دوبارہ حملے کی کوشش کی تو وہ ان کا سامنا نہیں کر پائے گا۔ انہوں نے کہا کہ 2019 اور 2025 میں شکست کے بعد بھارت کا حوصلہ اس حد تک ٹوٹ چکا ہے کہ وہ آئندہ دس سال تک سنبھلنے کے قابل نہیں۔
بھارت کی اسرائیلی مدد اور دفاعی تیاری
ارشد ملک کے مطابق بھارت پہلے روسی دفاعی سازوسامان پر انحصار کرتا تھا، لیکن اب اسرائیل کی ٹیکنیکل مدد نے اسے کافی حد تک مضبوط بنا دیا ہے۔ انہوں نے انکشاف کیا کہ حالیہ کشیدگی کے دوران اسرائیلی ٹیکنیشن بھارت میں بیٹھے ان کے میزائل سسٹمز کو اپڈیٹ کر رہے تھے۔
افواج کی وطن سے وابستگی
انہوں نے بتایا کہ 6 سے 7 مئی کے دوران جب کشیدگی اپنے عروج پر تھی، کوئی بھی پائلٹ، انجینئر یا سینئر آفیسر گھر جانے کو تیار نہیں تھا۔ پائلٹس نے آرام کرنے کے بجائے بیس پر ہی رہنے کو ترجیح دی، کیونکہ وہ کسی بھی لمحے ملک کے دفاع کے لیے تیار رہنا چاہتے تھے۔
شہداء اور جذبہ قربانی
ارشد ملک نے عثمان شہید کا تذکرہ کرتے ہوئے کہا کہ وہ اس دن ڈیوٹی پر نہیں تھے لیکن انہوں نے رضاکارانہ طور پر رکنے کا فیصلہ کیا، جس کے بعد وہ شہید ہوئے۔ انہوں نے ایئر ڈیفنس کنٹرولرز اور ہیڈکوارٹرز میں موجود سینئر افسران کے کردار کو بھی سراہا، جو کسی لمحے بھی اپنی ذمہ داری سے پیچھے نہ ہٹے۔
یہ بھی پڑھیں:قومی اسمبلی نے آئندہ مالی سال کا وفاقی بجٹ منظور کرلیا