گورنر خیبر پختونخوا فیصل کریم کنڈی کا پی ٹی آئی پر شدید تنقید
لاہور: گورنر خیبر پختونخوا فیصل کریم کنڈی نے پی ٹی آئی پر سخت تنقید کرتے ہوئے کہا کہ “پی ٹی آئی کے لیے میں اکیلا ہی کافی ہوں”۔ انہوں نے کہا کہ صوبے میں امن و امان کی صورتحال پر توجہ نہیں دی جا رہی ہے اور خیبر پختونخوا کے متعدد تعلیمی ادارے، بشمول 12 کالجز، بند ہو چکے ہیں۔
کنڈی نے مزید کہا کہ کوئٹہ میں حالیہ افسوسناک واقعہ ایک بار پھر دہشت گردی کے خطرے کو نمایاں کرتا ہے، جس میں پڑوسی ممالک کی مداخلت کی نشاندہی بھی ہوتی ہے۔ انہوں نے زور دیا کہ پاکستان کو اس بڑھتی دہشت گردی پر قابو پانے کے لیے مؤثر اقدامات اٹھانے کی ضرورت ہے۔
انہوں نے پی ٹی آئی پر یہ الزام بھی لگایا کہ ان کا فوکس صرف جلسے اور دھرنوں پر ہے اور صوبے میں امن و امان کے مسائل پر کبھی توجہ نہیں دی گئی۔