پاکستانی آپریشن کی بڑی کامیابی
اسلام آباد سے موصول ہونے والی اطلاعات کے مطابق، پاکستان نے آج علی الصبح بھارت کے خلاف جو جوابی کارروائی کی، اسے ’’آپریشن بنیان المرصوص‘‘ کا نام دیا گیا، جس میں ان اہم بھارتی شخصیات کو نشانہ بنایا گیا جو پاکستان کے خلاف حملوں کی منصوبہ بندی کر رہی تھیں۔ تجزیہ کار حامد میر کے مطابق، پاکستان ایئرفورس کے سائبر ونگ نے بھارت کے اہم اسٹریٹجک اداروں کی ویب سائٹس ہیک کیں، جب کہ پاکستانی ڈرونز نے نئی دہلی اور مقبوضہ کشمیر میں دہشتگردی کے مراکز پر حملے کیے۔
اہم بھارتی شخصیات کی ہلاکت کی اطلاعات
ذرائع کے مطابق، بھارتی فوجی اڈوں پر ہونے والے حملوں میں بعض اعلیٰ حکومتی اور عسکری شخصیات کی ہلاکت کی بھی اطلاعات ہیں، جنہوں نے پاکستان کے خلاف کارروائی کی منصوبہ بندی کی تھی۔ اگرچہ ان شخصیات کے نام تاحال منظرعام پر نہیں آئے، لیکن جلد ان کی شناخت ظاہر ہونے کی توقع ہے۔
بھارتی تنصیبات پر بھرپور حملہ
پاکستانی افواج نے راجستھان، ادھم پور، آدم پور اور پٹھان کوٹ سمیت متعدد ایئر فیلڈز کو مکمل طور پر تباہ کر دیا ہے۔ ادھم پور ایئر فیلڈ کو مکمل زمین بوس کر دیا گیا، جب کہ راجستھان کا ایئر ڈیفنس سسٹم بھی شدید متاثر ہوا۔
سائبر حملے اور ڈرون سرگرمیاں
پاکستان نے بھارتی ریاست مہاراشٹرا کی الیکٹرک کمپنی پر بھی سائبر حملہ کر کے بجلی کا پورا نظام مفلوج کر دیا اور بھارتی ملٹری سیٹلائٹ کو جام کر دیا۔ اس کے ساتھ ساتھ، پاکستانی ڈرونز بھارتی وزیراعظم نریندر مودی کی آبائی ریاست گجرات میں بھی کئی گھنٹے پرواز کرتے رہے، جب کہ بھٹنڈا ایئر فیلڈ کو بھی تباہ کر دیا گیا۔
یہ بھی پڑھیں:آپریشن بنیان المرصوص: پاکستانی ڈرونز نئی دہلی کی فضاؤں میں، بھارت پر دباؤ بڑھ گیا