چپس کا کرنچ اور ذائقہ
آلو کے چپس ایک ایسا اسنیک ہے جو بچوں سے لے کر بڑوں تک سب کی پسندیدہ چیز ہے۔ فلم دیکھتے وقت، دوستوں کے ساتھ بیٹھک ہو یا ہلکی بھوک کا وقت، آلو کے چپس ہمیشہ خوشی کا باعث بنتے ہیں۔ ان کا کرکرا ذائقہ اور مصالحے دار خوشبو انہیں ہر موقع کے لیے بہترین بناتی ہے۔
آلو کے چپس بنانے کی ترکیب
اجزاء:
آلو: 3 سے 4 درمیانے سائز کے
نمک: حسب ذائقہ
چاٹ مصالحہ یا پاپریکا: 1 چائے کا چمچ (اختیاری)
تیل: تلنے کے لیے
برف والا پانی: آلو بھگونے کے لیے
ترکیب:
آلوؤں کو چھیل کر پتلے پتلے قتلے کاٹ لیں (چیپس کی شیپ میں)۔
ان قتلے ہوئے آلوؤں کو برف والے پانی میں کم از کم 30 منٹ کے لیے بھگو دیں تاکہ نشاستہ نکل جائے اور وہ کرسپ بنیں۔
آلو نکال کر کپڑے سے خشک کریں۔
کڑاہی میں تیل گرم کریں اور آلو کے چپس کو درمیانی آنچ پر سنہری اور کرارے ہونے تک تلیں۔
نکال کر ٹشو پیپر پر رکھیں تاکہ زائد تیل جذب ہو جائے۔
نمک اور مصالحہ چھڑک کر فوری سرو کریں۔
آلو کے چپس کے فوائد اور احتیاط
اگرچہ آلو کے چپس زیادہ مقدار میں کھانے سے وزن میں اضافہ ہو سکتا ہے، لیکن گھر پر بنائے گئے چپس نسبتاً صحت بخش ہوتے ہیں کیونکہ ان میں کسی قسم کے کیمیکل یا محفوظ کرنے والے مادے شامل نہیں ہوتے۔ اعتدال سے کھائے جائیں تو یہ توانائی کا اچھا ذریعہ ہیں۔
بچوں اور بڑوں کی یکساں پسند
چپس نہ صرف اسکول لنچ یا شام کی چائے کے ساتھ پسند کیے جاتے ہیں بلکہ پارٹیز اور آؤٹنگ کے دوران بھی ان کا ذائقہ یادگار بن جاتا ہے۔ خاص طور پر مصالحہ دار چپس نوجوانوں میں کافی مقبول ہیں۔
یہ بھی پڑھیں:گرمیوں کی طاقتور غذا: مزیدار اور توانائی بخش فروٹ چاٹ