گوگل میسجز کا ایسا فیچر جو واٹس ایپ کی ضرورت ختم کر دے گا
گوگل میسجز میں واٹس ایپ ویڈیو کالنگ کی سہولت
گوگل میسجز اور واٹس ایپ مل کر ایک نئے فیچر پر کام کر رہے ہیں جس سے صارفین براہ راست گوگل میسجز کے ذریعے واٹس ایپ ویڈیو کال کرسکیں گے۔ اس اپڈیٹ کے بعد صارفین کو میسجنگ ایپ میں ہی ویڈیو کالنگ کا آپشن ملے گا، جس سے کالنگ مزید آسان ہوجائے گی۔
ویڈیو کال کا نیا آئیکن
اگر چیٹ کرنے والے دونوں صارفین کے پاس واٹس ایپ انسٹال ہوگا تو گوگل میسجز کے اوپری دائیں کونے میں ایک نیا ویڈیو کال آئیکن نظر آئے گا۔ جیسے ہی اس آئیکن پر ٹیپ کریں گے، فوراً واٹس ایپ ویڈیو کال شروع ہو جائے گی، جس سے اضافی مراحل کی ضرورت نہیں پڑے گی۔
فی الحال صرف ون آن ون چیٹس میں دستیاب
یہ فیچر فی الحال صرف انفرادی چیٹس کے لیے محدود ہوگا۔ اگر چیٹ میں موجود شخص کے پاس واٹس ایپ انسٹال نہیں ہے یا اگر چیٹ کسی گروپ کی صورت میں ہے، تو ویڈیو کالنگ کا آپشن گوگل میٹ پر ڈیفالٹ ہوگا۔ اس طرح صارفین کے پاس دونوں پلیٹ فارمز میں سے کسی ایک کو منتخب کرنے کا اختیار ہوگا۔
متوقع لانچ اور دستیابی
اس فیچر کی حتمی لانچ تاریخ تاحال واضح نہیں، تاہم یہ تیاری کے آخری مراحل میں ہے۔ امید کی جا رہی ہے کہ آئندہ چند ہفتوں میں صارفین کے لیے یہ سہولت دستیاب ہوگی، جس سے گوگل میسجز میں ویڈیو کالنگ کا تجربہ مزید بہتر ہوجائے گا
یہ بھی پڑھیں:واٹس ایپ ویڈیو کالز کے لیے بیک گراؤنڈ اور فلٹرز کا نیا فیچر