گرین پاکستان انیشی ایٹو کے اہم منصوبوں میں بڑی پیشرفت
خصوصی سرمایہ کاری سہولت کونسل اور گرین پاکستان انیشیٹو
پاکستان کی معیشت کو مستحکم بنانے کے لیے خصوصی سرمایہ کاری سہولت کونسل (SIFC) کے تحت گرین پاکستان انیشیٹو (GPI) کے جامع منصوبوں پر عمل جاری ہے۔ ان اقدامات کی بدولت معیشت میں نئی راہیں کھلیں گی اور ترقی کی رفتار تیز ہوگی۔
زرعی ترقی میں انقلابی اقدامات
جی پی آئی کی مؤثر حکمت عملی کے ذریعے زرعی ترقی کے لیے قدرتی وسائل کا بہترین استعمال ممکن بنایا جا رہا ہے۔ چولستان کی بنجر زمین کو قابلِ کاشت بنا کر زرعی پیداوار میں اضافہ کیا جا رہا ہے، جو معیشت کے استحکام میں مددگار ہوگا۔
جدید آبپاشی اور زراعت کی ترقی
جی پی آئی کے تحت پنجاب میں 25 “گرین ایگری مال” کا قیام عمل میں لایا جا رہا ہے۔ یہ منصوبہ جدید آبپاشی کے نظام کے فروغ میں اہم کردار ادا کرے گا۔ “سمارٹ ایگری فارم” کے قیام کے ذریعے عام کسانوں کی تربیت ممکن بنائی جا رہی ہے، جس سے ملک کی زراعت میں نمایاں بہتری آئے گی۔
کسانوں کے لیے جدید سہولیات
کسانوں کو جدید ٹیکنالوجی، معیاری بیج اور زرعی سہولیات فراہم کرنے کا عمل جاری ہے۔ “ایگری ریسرچ اینڈ فسیلیٹیشن سینٹر” کے قیام سے کسانوں کو تکنیکی مدد اور لیبارٹری سروسز میسر آئیں گی، جس سے زرعی پیداوار میں اضافہ ہوگا۔
برآمدات میں اضافہ اور معیشت کی مضبوطی
جی پی آئی کے تحت گندم، کپاس اور دیگر اجناس کی پیداوار اور برآمدات میں اضافے کی توقع ہے۔ جدید ٹیکنالوجی، معیاری بیج اور بہتر آبی وسائل کے استعمال سے زرعی پیداوار مزید مستحکم ہو گی، جس سے ملکی معیشت کو فائدہ پہنچے گا۔
یہ بھی پڑھیں:چولستان میں جدید زراعت جی پی آئی کے تحت انقلابی اقدامات