پنجاب کے علاقے گوجرانوالہ میں دو بہنوں نے اپنے والد کو رسیوں سے باندھ کر آگ لگا دی، جس سے وہ جان کی بازی ہار گیا۔ پولیس کے مطابق، متاثرہ شخص اسپتال میں زخموں کی تاب نہ لاتے ہوئے چل بسا۔ پولیس نے مقدمہ درج کر کے دونوں بیٹیوں کو گرفتار کر لیا ہے۔
پولیس کے ابتدائی بیان کے مطابق، مقتول شخص تین بار شادی کر چکا تھا اور اس کے کل دس بچے تھے۔ مقتول اپنی دوسری بیوی کے ساتھ رہتا تھا، جب کہ پہلی بیوی وفات پا چکی تھی۔ یہ واقعہ اس وقت پیش آیا جب مقتول کرائے کے مکان میں رہائش پذیر تھا۔
تحقیقات کے مطابق، دونوں لڑکیوں کی عمریں 16 اور 12 سال ہیں۔ پولیس کا کہنا ہے کہ والد کے سودی کاروبار اور رویہ کی وجہ سے دونوں بہنیں شدید ناراض تھیں۔ انہوں نے پیٹرول نکال کر اپنے والد کو آگ لگا دی۔ واقعے کے بعد دونوں بہنوں کو گرفتار کر کے مقدمہ درج کر لیا گیا ہے۔
یہ بھی پڑھیں: سارا اشرف قتل کیس: والد، سوتیلی ماں اور چچا مجرم قرار