پاکستان اور بھارت کے ڈائریکٹر جنرل ملٹری آپریشنز (ڈی جی ایم اوز) کے درمیان جنگ بندی کے بعد ہونے والے رابطے کے بعد بھارتی فوج نے بھی اپنا باضابطہ بیان جاری کر دیا ہے۔ بھارتی فوج نے اس بیان میں کہا ہے کہ دونوں ممالک نے سرحدی کشیدگی میں کمی اور اعتماد سازی کے اقدامات جاری رکھنے پر اتفاق کیا ہے تاکہ الرٹ لیول کو کم کیا جا سکے۔
اعتماد سازی اور جنگ بندی برقرار رکھنے پر اتفاق
غیر ملکی میڈیا رپورٹس کے مطابق بھارتی فوج کا کہنا ہے کہ پاکستان اور بھارت نے سیزفائر برقرار رکھنے اور اس سے متعلق کیے گئے سابقہ فیصلوں پر عملدرآمد جاری رکھنے پر اتفاق کیا ہے۔ یہ رابطہ ہاٹ لائن کے ذریعے ہوا، جو کہ جنگ بندی کے بعد دونوں ممالک کے درمیان تیسرا براہ راست رابطہ ہے۔
ہاٹ لائن رابطے کی تفصیلات
ذرائع کے مطابق دونوں ڈی جی ایم اوز نے زمینی صورتحال اور سرحدی امور پر تفصیلی تبادلہ خیال کیا۔ اگرچہ اس گفتگو کی تفصیلات سرکاری طور پر منظرعام پر نہیں آئیں، تاہم ذرائع نے تصدیق کی ہے کہ اس رابطے میں پیر کے روز ہونے والے مذاکرات میں طے پانے والے ’اسٹیٹس کو‘ کو برقرار رکھنے پر بھی اتفاق کیا گیا۔
یہ بھی پڑھیں:مودی کی سیاسی پوزیشن پاکستان کے فوجی ردعمل سے کمزور پڑ گئی: امریکی میڈیا