معروف وی لاگر پر جاسوسی کا الزام
بھارتی میڈیا کے مطابق معروف ٹریول یوٹیوبر جیوتی ملہوترا کو ہریانہ کے شہر حصار سے گرفتار کرلیا گیا ہے۔ جیوتی اپنے یوٹیوب چینل ٹریول وِد جو کے ذریعے مشہور ہوئیں جس کے سبسکرائبرز کی تعداد ساڑھے تین لاکھ سے زائد ہے، جبکہ انسٹاگرام پر بھی ان کی بڑی فالوونگ ہے۔
پاکستان آمد اور مشتبہ سرگرمیاں
رپورٹس کے مطابق جیوتی ملہوترا ماضی میں دو بار پاکستان کا سفر کرچکی ہیں، جسے بھارتی سیکیورٹی ادارے مشکوک قرار دے رہے ہیں۔ ان کے ساتھ ساتھ پانچ دیگر افراد کو بھی پاکستان کے لیے مبینہ جاسوسی کے الزام میں گرفتار کیا گیا ہے۔
پہلے بھی جاسوسی کے الزامات لگ چکے
یہ پہلی بار نہیں کہ بھارت نے اپنے شہریوں کو پاکستان کے لیے جاسوسی کے الزام میں گرفتار کیا ہو۔ حال ہی میں بھارتی پنجاب میں بھی دو افراد کو گرفتار کیا گیا تھا، جن میں ایک خاتون شامل تھی۔ ان افراد پر الزام تھا کہ وہ پاکستانی ہائی کمیشن کے اہلکار کے لیے بھارتی فوج سے متعلق معلومات فراہم کر رہے تھے۔
بھارتی میڈیا کا دعویٰ یا سیاسی ماحول؟
یہ گرفتاریاں ایسے وقت میں ہو رہی ہیں جب بھارت میں سیاسی اور فوجی کشیدگی کے ماحول کو پاکستان سے جوڑ کر پیش کیا جا رہا ہے۔ سوشل میڈیا پر کچھ صارفین نے ان گرفتاریوں کو بھارت میں اندرونی سیاسی دباؤ سے توجہ ہٹانے کا حربہ بھی قرار دیا ہے۔
یہ بھی پڑھیں:ہمارے ملک پر مصیبت آئے تو فوج تنہا نہیں، 25 کروڑ عوام بھی اس کی ڈھال بن جاتی ہیں: وارث بیگ