پاکستان اور جہنم میں سے جہنم جانا پسند کرونگا: جاوید اختر کے متنازع بیان پر پاکستانی اداکاروں کا سخت ردعمل

جاوید اختر کا متنازع بیان

معروف بھارتی مصنف اور شاعر جاوید اختر ایک بار پھر پاکستان مخالف بیان دے کر شدید تنقید کی زد میں آ گئے ہیں۔ حالیہ دنوں میں ایک انٹرویو کے دوران انہوں نے کہا کہ اگر انہیں پاکستان اور جہنم میں سے کسی ایک کا انتخاب کرنا پڑے تو وہ جہنم کا انتخاب کریں گے۔ ان کے مطابق پاکستانی انہیں جہنم میں بھیجنے کی بات کرتے ہیں اور بھارتی انہیں جہادی کہہ کر پاکستان جانے کا مشورہ دیتے ہیں۔

سوشل میڈیا پر طوفان

جاوید اختر کا یہ بیان دیکھتے ہی دیکھتے سوشل میڈیا پر وائرل ہو گیا۔ پاکستانی عوام سمیت متعدد معروف شوبز شخصیات نے اس بیان پر شدید غصے اور افسوس کا اظہار کیا۔ بہت سے لوگوں نے اسے منافقت، نفرت اور غیر اخلاقی رویہ قرار دیا۔

اداکاروں کا سخت ردعمل

اداکارہ مشی خان نے سخت لہجے میں کہا کہ جاوید اختر نے صحیح جگہ کا انتخاب کیا ہے کیونکہ وہ وہیں کے لائق ہیں، اور آئندہ پاکستان آنے کا نہ سوچیں، اب کوئی بلائے گا بھی نہیں۔
اداکار عمران عباس نے طنزیہ انداز میں کہا کہ اگر جاوید اختر جہنم کا انتخاب نہ بھی کریں، تب بھی ان کا جہاز وہیں اترے گا، صرف کلاس بدلے گی، ہم نے وقتی طور پر بزنس کلاس دے دی، ورنہ ان کی حیثیت اکانومی کلاس سے بھی کم ہے۔
ژالے سرحدی، شرمیلا فاروقی اور دیگر فنکاروں نے بھی جاوید اختر کے بیان کو نفرت انگیز اور منافقانہ قرار دیا۔

ماضی کی یاد دہانی

یاد رہے کہ جاوید اختر ماضی میں بھی پاکستان مخالف بیانات دیتے رہے ہیں۔ اس کے باوجود وہ لاہور کے ایک ادبی میلے میں شرکت کر چکے ہیں، جہاں ان کا پُرتپاک استقبال کیا گیا۔ لیکن واپسی پر انہوں نے پاکستان پر الزامات لگا کر اس عزت افزائی کو نظرانداز کیا۔

یہ بھی پڑھیں:بھارت کیخلاف کامیابی ٹیم ورک سے ملی اور ٹیم کو ہدایات نواز شریف نے دی تھیں، ایاز صادق