بھارتی جارحیت کے خلاف کامیابی نواز شریف کی ہدایت پر ہوئی
مسلم لیگ ن کے رہنما اور اسپیکر قومی اسمبلی ایاز صادق نے کہا ہے کہ بھارت کے خلاف حالیہ کامیابی مکمل ٹیم ورک کا نتیجہ ہے، اور اس ٹیم کو اہم ہدایات سابق وزیراعظم نواز شریف کی جانب سے دی گئی تھیں۔ انہوں نے واضح کیا کہ اس عمل میں موجودہ وزیراعظم شہباز شریف کی مشاورت بھی شامل رہی۔
پاک فوج کے کردار کو خراج تحسین
لاہور میں ایک تقریب سے خطاب کے دوران ایاز صادق کا کہنا تھا کہ دشمن کو عبرتناک شکست دینے میں ہماری افواج، سیاسی قیادت اور پوری قوم متحد تھی۔ ہمارے جوانوں نے اپنی جانوں کے نذرانے دے کر ملک کا دفاع کیا اور دنیا کو واضح پیغام دیا کہ پاکستان کی دفاعی صلاحیت ناقابل تسخیر ہے۔
سیاسی و عسکری قیادت کا اتحاد قومی دفاع کی علامت
ایاز صادق نے کہا کہ نہ صرف مسلح افواج بلکہ قومی اسمبلی میں تمام جماعتوں نے اتحاد کا مظاہرہ کیا، جس سے ظاہر ہوتا ہے کہ جب وطن عزیز پر آنچ آتی ہے تو قوم یکجہتی کا مظاہرہ کرتی ہے۔ انہوں نے مزید کہا کہ صرف اسلحہ نہیں، بلکہ حوصلہ، جرات اور دانش بھی کامیابی کی کلید ہوتے ہیں۔
یہ بھی پڑھیں:بھارتی میڈیا کا جھوٹ بے نقاب، پاکستانی طیارے گرانے کی خبر غلط نکلی: امریکی رپورٹ