فضائی پابندی میں ایک اور توسیع
پاکستان نے بھارتی طیاروں کے لیے اپنی فضائی حدود بند رکھنے کے فیصلے میں مزید ایک ماہ کی توسیع کر دی ہے۔ ایوی ایشن ذرائع کے مطابق یہ فیصلہ آج یعنی 23 جون سے نافذ العمل ہوگا، جب پچھلی توسیع کی مدت مکمل ہو رہی ہے۔
پس منظر: پاک بھارت کشیدگی
24 اپریل 2025 کو پاک بھارت کشیدگی کے تناظر میں پاکستان نے بھارتی طیاروں پر اپنی فضائی حدود بند کی تھی۔ بعد ازاں 23 مئی کو اس بندش میں ایک ماہ کی توسیع کی گئی، جو اب دوبارہ بڑھا دی گئی ہے۔ فضائی پابندی کا نوٹم (NOTAM) سہ پہر تک باضابطہ طور پر جاری کیا جائے گا۔
بھارت کی جوابی کارروائی
واضح رہے کہ بھارت نے بھی پاکستان کی اس کارروائی کے جواب میں پاکستانی طیاروں کے لیے اپنی فضائی حدود بند کر رکھی ہے، جس سے دونوں ممالک کے درمیان فضائی آمد و رفت مکمل طور پر تعطل کا شکار ہے۔