پاکستان اور بھارت کے درمیان جنگی صورتحال کے بادل کسی حد تک چھٹنا شروع ہوگئے ہیں، تاہم بھارتی حکومت کی ممکنہ جارحیت کے خدشات مکمل طور پر ختم نہیں ہوئے۔ مبصرین کے مطابق، بھارت میں جنگی بیانیے میں کمی کا بڑا سبب امریکی سفارتی کوششیں ہیں۔
امریکی دباؤ کا کردار
حالیہ کشیدگی میں کمی کی بڑی وجہ امریکی وزیر خارجہ مارکو روبیو کی بھارتی وزیر خارجہ جے شنکر سے بروقت رابطہ تھا، جس میں انہوں نے کشیدگی کم کرنے اور خطے میں امن قائم رکھنے پر زور دیا۔ روبیو نے وزیراعظم پاکستان شہباز شریف سے بھی رابطہ کیا اور 22 اپریل کے پہلگام حملے کی مذمت پر زور دیا۔
امریکی نظام کی سفارتی افادیت
تجزیہ کاروں کے مطابق، امریکا کا ادارہ جاتی نظام ایسی غلطیوں کو روکنے یا درست کرنے میں اہم کردار ادا کرتا ہے، یہی وجہ ہے کہ ٹرمپ جیسے صدر کی موجودگی کے باوجود امریکا سفارتی طور پر متحرک نظر آیا۔
امن کی کوششیں جاری
دونوں ممالک کے درمیان تناؤ میں کمی کے باوجود خدشات مکمل طور پر ختم نہیں ہوئے۔ امریکا کی خواہش ہے کہ پاکستان اور بھارت مل بیٹھ کر بات چیت سے تنازعات حل کریں اور خطے میں امن و استحکام کو یقینی بنایا جائے۔
یہ بھی پڑھیں:بھارت کی ایل او سی پر بلا اشتعال فائرنگ، پاک فوج کا منہ توڑ جواب