اسلام آباد: یکم جون سے پیٹرولیم مصنوعات کی قیمتوں میں معمولی رد و بدل کا امکان ظاہر کیا جا رہا ہے۔ صنعتی اور سرکاری ذرائع کے مطابق حکومت آئندہ 15 روز کے لیے پیٹرول اور ہائی اسپیڈ ڈیزل کی قیمتوں میں معمولی کمی پر غور کر رہی ہے، جب کہ مٹی کے تیل اور لائٹ ڈیزل کی قیمتوں میں اضافہ متوقع ہے۔
ذرائع نے “دی نیوز” کو بتایا کہ پیٹرول کی قیمت میں 0.60 روپے فی لیٹر اور ہائی اسپیڈ ڈیزل کی قیمت میں 0.28 روپے فی لیٹر کمی ہو سکتی ہے۔ تاہم ساتھ ہی قیمتوں کو موجودہ سطح پر برقرار رکھنے کا بھی امکان موجود ہے، جس پر آخری فیصلہ عالمی منڈی کے رجحان، روپے کی قدر، اور لیوی کے حساب سے کیا جائے گا۔
متوقع فیصلے کا اعلان وزارت خزانہ کی جانب سے 31 مئی کی شام کو کیا جائے گا، جو کہ اوگرا کی سفارشات کی روشنی میں ہوگا۔