لاہور اور راولپنڈی کے درمیان بلٹ ٹرین، ایک نیا سنگ میل
وزیراعلیٰ پنجاب مریم نواز نے ایک تاریخی قدم اٹھاتے ہوئے لاہور اور راولپنڈی کے درمیان پاکستان کی پہلی بلٹ ٹرین چلانے کا فیصلہ کر لیا ہے۔ یہ تیز رفتار بلٹ ٹرین دونوں شہروں کے درمیان فاصلہ محض سوا دو سے ڈھائی گھنٹے میں طے کرے گی، جو عوام کو تیز، آرام دہ اور جدید سفری سہولت فراہم کرے گی۔
منصوبے کی تیاری اور اہم اقدامات
اس اہم منصوبے پر عملدرآمد کے لیے سینیئر صوبائی وزیر مریم اورنگزیب اور وزیر ریلوے حنیف عباسی کی زیر صدارت خصوصی اجلاس منعقد ہوا، جس میں بلٹ ٹرین منصوبے پر تفصیلی غور و خوض کیا گیا۔ اجلاس میں فیصلہ کیا گیا کہ منصوبے کی فزیبلٹی اسٹڈی اور ٹائم لائن کی تیاری کے لیے ایک ورکنگ گروپ تشکیل دیا جائے گا، جو جلد از جلد اپنی سفارشات پیش کرے گا۔
ڈی سینٹرلائزڈ فنانس ماڈل پر پیش رفت
علاوہ ازیں وزیراعلیٰ پنجاب سے امریکی ادارے ’ورلڈ لبرٹی آرگنائزیشن‘ کے وفد نے ملاقات کی۔ اس ملاقات میں پاکستان میں بلاک چین ٹیکنالوجی کو فروغ دینے اور ملکی معاشی و مالیاتی نظام کو ڈی سینٹرلائزڈ فنانس ماڈل سے ہم آہنگ کرنے پر اتفاق کیا گیا۔ یہ پیش رفت پاکستان کی معیشت کو جدید خطوط پر استوار کرنے کی جانب ایک اہم قدم قرار دی جا رہی ہے۔
یہ بھی پڑھیں:مریم نواز کا یکم مئی کو ساڑھے 12 لاکھ افراد میں راشن کارڈ تقسیم کرنے کا اعلان