29یا30 اس رمضان میں کتنے روزے ہوں گے؟پیشگوئی
قمری مہینوں کا دورانیہ
اسلامی یا قمری مہینوں کا انحصار چاند کی رویت پر ہوتا ہے اور یہ 29 یا 30 دنوں پر مشتمل ہوتے ہیں۔ عیسوی کیلنڈر کے برعکس، ان مہینوں کی مدت ایک جیسی نہیں ہوتی۔ رمضان المبارک کے آغاز میں اب صرف دو ہفتے باقی رہ گئے ہیں۔
رمضان کے روزے کتنے ہوں گے؟
ماہرینِ فلکیات نے رواں سال رمضان المبارک کے دوران روزوں کی تعداد کے بارے میں پیشگوئی کی ہے۔ فلکیاتی حسابات کے مطابق، اس سال رمضان کے 30 روزے ہوں گے اور ہر روزے کا دورانیہ تقریباً 13 گھنٹے ہوگا۔
متحدہ عرب امارات میں سحر و افطار کے اوقات
ماہر فلکیات ابراہیم الجروان کے مطابق، امارات کے مشرقی اور مغربی علاقوں میں سحری اور افطاری کے اوقات میں 20 منٹ کا فرق ہوگا۔ یہ فرق جغرافیائی محلِ وقوع کی وجہ سے ہوگا، جس سے روزے کی مدت میں ہلکی سی تبدیلی متوقع ہے۔
رمضان المبارک کا آغاز اور عید الفطر
ماہِ رمضان کے چاند کی رویت 28 فروری کی شام متوقع ہے، جس کے مطابق 1 مارچ، ہفتہ کو پہلا روزہ ہوگا۔ فلکیاتی حسابات کے تحت، عید الفطر کا چاند 29 مارچ کو 14:58 پر پیدا ہوگا، لیکن غروبِ آفتاب کے بعد جلد ڈوب جانے کے باعث نظر نہیں آئے گا۔ اس طرح 30 روزے مکمل ہوں گے اور 31 مارچ، پیر کو عید الفطر منائی جائے گی۔
یہ بھی پڑھیں:ریاض الجنہ میں نوافل کی اجازت – زائرین کے لیے خوشخبری