فون کی کارکردگی بہتر بنانے کے لیے ہفتے میں ایک بار ری اسٹارٹ کیوں ضروری ہے؟

اسمارٹ فونز کی کارکردگی مسلسل استعمال کے باعث وقت کے ساتھ کم ہونے لگتی ہے، لیکن ماہرین کے مطابق ایک سادہ سی عادت اس مسئلے کو بڑی حد تک کم کر سکتی ہے: فون کو ہفتے میں کم از کم ایک بار ری اسٹارٹ کرنا۔

کارکردگی میں بہتری

ماہرین کے مطابق فون کو ہفتے میں ایک بار بند کر کے ایک منٹ بعد دوبارہ آن کرنے سے نہ صرف فون کی مجموعی اسپیڈ بہتر ہوتی ہے بلکہ غیر ضروری ایپس اور بیک گراؤنڈ پروسیس بھی بند ہو جاتے ہیں، جو اکثر ڈیوائس کو سست بناتے ہیں۔

میموری لیک سے تحفظ

فون میں میموری لیک کا مسئلہ اس وقت پیدا ہوتا ہے جب کوئی ایپ ریم میموری استعمال کرنے کے بعد اسے ریلیز نہیں کرتی، جس سے فون مسلسل سست پڑتا جاتا ہے۔ ری اسٹارٹ کرنے سے یہ ایرر ختم ہونے میں مدد ملتی ہے۔

بیٹری لائف میں اضافہ

ری اسٹارٹ کرنے سے نہ صرف فون کی بیٹری کو وقتی طور پر ریلیف ملتا ہے بلکہ بیٹری کا مجموعی چارجنگ سائیکل بھی بہتر رہتا ہے، جس سے بیٹری کی عمر بڑھتی ہے۔

ماہرین کی تجویز

ماہرین کا کہنا ہے کہ صارفین کو چاہیے کہ ہفتے میں کم از کم ایک بار اپنے فون کو مکمل طور پر بند کریں، چاہے صرف ایک منٹ کے لیے ہی کیوں نہ ہو۔ یہ عمل فون کی کارکردگی، رفتار اور بیٹری لائف کو بہتر بنانے کے لیے مؤثر ثابت ہوتا ہے۔

نتیجہ

اگر آپ چاہتے ہیں کہ آپ کا فون تیزی سے کام کرے، بیٹری دیر تک چلے اور سست روی کے مسائل نہ آئیں، تو ہفتے میں ایک بار اسے ری اسٹارٹ کرنے کی عادت اپنائیں۔

یہ بھی پڑھیں:وہ مقبول ایپ جو اینڈرائیڈ فون کی بیٹری تیزی سے ختم کرنیکا باعث بنتی ہے