معائنے کا فیصلہ اور تعاون کی ہدایت
محکمہ تعلیم سندھ نے ایک اہم اقدام کے تحت صوبے بھر کے سرکاری اسکولوں کے طلبا کی آنکھوں کا معائنہ کرانے کا فیصلہ کیا ہے۔ اس حوالے سے تمام ضلعی ڈائریکٹرز کو ہدایت جاری کر دی گئی ہے کہ وہ اسکولوں میں مکمل تعاون فراہم کریں۔
این جی او کو این او سی اور معائنے کی منظوری
اس اقدام کے تحت ایک غیر سرکاری تنظیم (NGO) کو اسکولوں میں آنکھوں کے معائنے کی اجازت دے دی گئی ہے، اور انہیں باضابطہ این او سی (نو آبجیکشن سرٹیفکیٹ) جاری کیا گیا ہے تاکہ وہ تمام اضلاع میں بآسانی اپنا کام سرانجام دے سکیں۔
بینائی کا تحفظ، عینک کی فراہمی
محکمہ تعلیم کا کہنا ہے کہ اس پروگرام کے تحت نہ صرف طلبا کی بینائی کا معائنہ کیا جائے گا بلکہ جن بچوں کو نظر کی کمزوری ہو گی انہیں مفت عینکیں بھی فراہم کی جائیں گی۔ یہ اقدام طلبا کی تعلیمی کارکردگی اور صحت کو بہتر بنانے کے لیے اہم تصور کیا جا رہا ہے۔
موبائل فون کا استعمال اور بینائی کے مسائل
چیف ایڈوائزر کریکولم ونگ، ڈاکٹر فوزیہ خان نے اس موقع پر کہا کہ موبائل فون کے حد سے زیادہ استعمال سے بچوں کی نظر متاثر ہو رہی ہے، اور اسکول سربراہان کو ہدایت دی گئی ہے کہ وہ اس عمل میں بھرپور تعاون کریں تاکہ بچوں کو بینائی سے محرومی جیسے سنگین مسائل سے بچایا جا سکے۔
یہ بھی پڑھیں:پنجاب کے تعلیمی اداروں میں موسم گرما کی چھٹیوں کا اعلان