کھیرے کا ماسک: قدرتی ٹھنڈک اور نمی
گرمیوں میں کھیرے کا استعمال جلد کے لیے بہت مفید ہے۔ کھیرے کو کدوکش کر کے چہرے پر لگانے سے جلد کو ٹھنڈک ملتی ہے، سورج کی تپش سے ہونے والی جلن کم ہوتی ہے اور جلد تروتازہ رہتی ہے۔ کھیرے میں موجود پانی جلد کو ہائیڈریٹ رکھتا ہے۔
دہی اور شہد کا ماسک: جلد کو نرم اور چمکدار بنانے کا نسخہ
دہی جلد کو نمی فراہم کرتا ہے اور شہد جلد کو اینٹی بیکٹیریل تحفظ دیتا ہے۔ ایک چمچ دہی اور ایک چمچ شہد ملا کر چہرے پر لگائیں اور 15 منٹ بعد دھولیں۔ یہ ماسک جلد کو نرم، شاداب اور چمکدار بناتا ہے، خاص طور پر گرمیوں کی خشکی کو دور کرنے کے لیے بہترین ہے۔
لیموں اور عرق گلاب کا ٹونر: جلد کو تروتازہ رکھنے کا آسان طریقہ
لیموں میں قدرتی بلیچنگ خصوصیات ہوتی ہیں جبکہ عرق گلاب جلد کو ٹھنڈک فراہم کرتا ہے۔ چند قطرے لیموں کا رس عرق گلاب میں ملا کر چہرے پر اسپرے کرنے سے جلد صاف اور فریش رہتی ہے، اور دھوپ سے ہونے والے داغ دھبے بھی ہلکے ہوتے ہیں۔
ایلوویرا جیل: قدرتی سکون دہندہ
ایلوویرا جیل جلد کی جلن، سرخی اور دھوپ سے متاثرہ جلد کے لیے قدرتی علاج ہے۔ ایلوویرا کا تازہ جیل یا مارکیٹ میں دستیاب خالص ایلوویرا جیل لگانے سے جلد ہائیڈریٹ رہتی ہے اور دھوپ کے مضر اثرات سے محفوظ رہتی ہے۔
ناریل کا پانی: اندرونی اور بیرونی خوبصورتی کا راز
ناریل کا پانی نہ صرف پینے سے جسم کو ٹھنڈک دیتا ہے بلکہ چہرے پر اسپرے کرنے سے جلد کو قدرتی نمی بھی فراہم کرتا ہے۔ اس میں اینٹی آکسیڈنٹس اور وٹامنز موجود ہوتے ہیں جو جلد کی تازگی اور نرمی میں اضافہ کرتے ہیں۔
یہ بھی پڑھیں:گرمیوں میں توانائی دینے والے پانچ بہترین قدرتی پھل