سیلاب کی تباہ کاریوں کی تفصیلات
پاکستان کی قومی خلائی ایجنسی سپارکو نے ملک میں حالیہ شدید سیلاب سے متاثرہ علاقوں کی سیٹلائٹ تصاویر جاری کر دی ہیں۔ خیبرپختونخوا میں تباہی کے بعد بھارت کی جانب سے پانی چھوڑے جانے اور مسلسل بارشوں نے پنجاب میں بڑے پیمانے پر تباہی مچا دی ہے۔ کئی مقامات پر بند ٹوٹنے سے پانی آبادیوں میں داخل ہو گیا، فصلیں مکمل طور پر زیر آب آگئیں اور ہزاروں افراد کو محفوظ مقامات پر منتقل کر دیا گیا۔
سپارکو کی جانب سے تصاویر کی تفصیل
سپارکو کی جانب سے جاری کردہ تصاویر میں سیلاب سے پہلے اور بعد کی صورتحال واضح طور پر دکھائی گئی ہے۔ سیٹلائٹ سے لی گئی بائیں جانب کی تصویر میں تمام دریا اپنی حدود میں بہہ رہے تھے، جب کہ دائیں جانب کی تصویر میں سیلاب آنے کے بعد ہر طرف پانی ہی پانی نظر آرہا ہے۔
تصاویر کی تاریخ اور مشاہدات
جاری کردہ سیٹلائٹ تصاویر کے مطابق اوپر کی تصویر 22 اگست کی ہے جس میں دریا معمول کے مطابق بہہ رہے ہیں، جبکہ نیچے کی تصویر 24 اگست کی ہے جس میں دریا اپنے کناروں سے اُبل پڑے ہیں۔ مزید برآں، 27 اگست تک دریائے روای کی صورتحال بھی ان تصاویر میں نمایاں کی گئی ہے۔