اسرائیلی طیاروں کی ترک فضائی حدود میں موجودگی
ترک میڈیا کی رپورٹ کے مطابق اسرائیل کی جانب سے ایران پر ابتدائی حملے کے دوران اسرائیلی جنگی طیارے مختصر وقت کے لیے ترکی کی فضائی حدود میں داخل ہوئے۔ جیسے ہی ترک فضائیہ نے ان طیاروں کی موجودگی کو محسوس کیا، ترک ایف-16 طیاروں نے فوری پرواز بھری اور اسرائیلی طیاروں کو وارننگ جاری کرتے ہوئے اپنی حدود سے نکلنے کا حکم دیا۔
ترک فضائیہ کی بروقت کارروائی
ترک فضائیہ کے بروقت ردعمل کے بعد اسرائیلی طیارے ترک حدود سے فوراً باہر نکل گئے۔ رپورٹ میں دعویٰ کیا گیا ہے کہ ترکی کو اسرائیلی حملے کی پیشگی اطلاع اپنے انٹیلی جنس نیٹ ورک اور نیٹو رکنیت کے باعث پہلے ہی حاصل ہو چکی تھی، جس کی بنیاد پر ترک فورسز الرٹ تھیں۔
فضائی نگرانی اور سیکیورٹی اقدامات
رپورٹ کے مطابق ترک فضائیہ اپنی مشرقی سرحدوں پر مکمل چوکس ہے اور 24 گھنٹے فضائی نگرانی جاری رکھی جا رہی ہے تاکہ کسی بھی قسم کی غیر معمولی نقل و حرکت کا بروقت جواب دیا جا سکے۔
یہ بھی پڑھیں:ایران نے تہران پر حملے کے جواب میں اسرائیل پر بیلسٹک میزائل داغ دیے، تل ابیب میں دھماکے