شہداء کی تصدیق
پاک فوج کے شعبہ تعلقات عامہ (آئی ایس پی آر) کے مطابق بھارتی فوج کی حالیہ بزدلانہ جارحیت کے نتیجے میں زخمی ہونے والے دو پاکستانی فوجی جوان دورانِ علاج زخموں کی تاب نہ لاتے ہوئے شہید ہو گئے۔ اس کے ساتھ ہی بھارتی حملوں کے دوران شہید ہونے والے پاکستانی فوجیوں کی مجموعی تعداد 13 ہو گئی ہے۔
زخمی جوانوں اور شہداء کی قربانی
آئی ایس پی آر نے بتایا کہ بھارتی جارحیت کے نتیجے میں اب تک 78 جوان مختلف سطح کی چوٹوں سے زخمی ہو چکے ہیں۔ شہداء کی قربانیاں پاک فوج کی فرض شناسی، حوصلے اور غیر متزلزل حب الوطنی کی مثال قرار دی گئی ہیں۔ ان شہداء کو پوری قوم اور افواجِ پاکستان خراجِ عقیدت پیش کرتی ہیں۔
اہلِ خانہ سے اظہار تعزیت
آئی ایس پی آر نے شہداء کے اہل خانہ سے تعزیت کرتے ہوئے کہا ہے کہ قوم ان کے دکھ میں برابر کی شریک ہے اور زخمی فوجیوں کی جلد صحتیابی کے لیے دعاگو ہے۔ بیان میں مزید کہا گیا ہے کہ یہ قربانیاں قومی یادداشت میں ہمیشہ زندہ رہیں گی اور آنے والی نسلوں کے لیے باعثِ فخر بنیں گی۔
یہ بھی پڑھیں:بھارتی ڈرون حملے میں شہید ہونیوالے 8 بہنوں کے اکلوتے بھائی کی دردناک کہانی