اقوام متحدہ کا بیان
اقوام متحدہ کے سیکرٹری جنرل کے نائب ترجمان کی جانب سے جاری بیان میں کہا گیا ہے کہ پاکستان اور بھارت کے درمیان جاری کشیدگی کو کم کرنے کا واحد راستہ تعمیری مذاکرات اور تحمل ہے۔ انہوں نے اس بات پر زور دیا کہ اقوام متحدہ دونوں ممالک کے درمیان امن قائم رکھنے کے لیے ہر مثبت اقدام کی مکمل حمایت کرے گا۔
سیکرٹری جنرل کا مؤقف
بیان کے مطابق سیکرٹری جنرل اقوام متحدہ نے پاکستان اور بھارت دونوں کو تحمل کا مظاہرہ کرنے اور کشیدہ صورتحال کو مزید خراب ہونے سے روکنے کے لیے پرامن طریقہ کار اپنانے کی تلقین کی ہے۔ ان کا کہنا ہے کہ اقوام متحدہ ایسے تمام اقدامات کی تائید کرے گا جو باہمی بات چیت کو فروغ دیں۔
پہلگام واقعہ اور بعد کے حالات
22 اپریل کو مقبوضہ کشمیر کے سیاحتی مقام پہلگام میں ہونے والی فائرنگ سے 26 افراد ہلاک اور متعدد زخمی ہو گئے تھے۔ اس واقعے کے بعد بھارت نے بغیر کسی ثبوت کے پاکستان پر الزام تراشی شروع کردی اور سندھ طاس معاہدے کو یکطرفہ طور پر معطل کر دیا۔
پاکستان کا ردعمل
پاکستان نے پہلگام واقعے کی شدید مذمت کرتے ہوئے اسے افسوسناک قرار دیا اور وزیراعظم شہباز شریف کی جانب سے بھارت کو غیر جانبدارانہ تحقیقات کی پیشکش بھی کی گئی۔ پاکستان نے واضح کیا کہ وہ ہر طرح کے تعاون کے لیے تیار ہے تاکہ حقائق سامنے لائے جا سکیں۔
عسکری و سیاسی قیادت کا موقف
بھارت کی طرف سے ممکنہ جارحیت کی دھمکیوں پر پاکستان کی عسکری اور سیاسی قیادت نے دوٹوک انداز میں جواب دیا ہے کہ کسی بھی مہم جوئی کی صورت میں بھارت کو وہ جواب دیا جائے گا جو وہ کبھی نہیں بھولے گا۔
یہ بھی پڑھیں:ہندوستان کیلئے بہتر ہوگا نیا پنگا نہ لے، اینٹ کا جواب پتھر سے دیں گے: اسحاق ڈار